Jisálamu 30:12 - O Mikanda Ikola

¹² Phala o muenhu uami u ku imbile jinge o diximanu, ki ngi dixibhe; u Jihova, Nzambi iami, eme ngi ku bhana jinga jiphembele izuua ioso sé kuzumbuka.

Jisálamu 30:12 ပူးပေါင်းရင်းမြစ်များ

Dimatekenu 49:6

U muenhu uami kana kubokona mu kikutu kiâ. Mu kibuka kiá, kijingo kiami ki ki di bunde-mu; kuma mu njinda iâ a jibha athu, mu kuhuka kuâ ngombe a ji sende mixibha.

Estere 8:16

Jijudé anga a kala mu kuimba, ni kutana, ni ngalasa, ni ujitu mukonda kua a tuila mukengeji uâ.

Estere 9:22

kuma iene o izuua ia bhanduluka jijudé ku usuéia uambele ku a bhanga o jinguma jâ; iene o mbeje iâ iambele kukala ia lâmba anga i biluka ia ngalasa, iambele kukala ia uíndua anga i biluka ia kizuua kiambote; uixi a i bhange i kale jinge izuua ia kubhanga fesa ni kusanguluka, ni ku di tumikisa makúdia, ni ku di bhana maujitu ni kuuanena o jingadiama.

Jisálamu 13:6

Ngʼimbila Jihova, mukonda mbote ia ngi bhange ia nzungule muene.

Jisálamu 145:2

Izuua ioso, Ngana, ngi ku tumbula, ngi ku ximana jinga o dijina dié, kutunda muiji kuiza muiji.

Jisálamu 16:9

Kala kiki, muẋima uami ua tana, dimi diami dia sanguluka, katé ni xitu iami hinu i kala bhua kondama.

Jisálamu 44:8

Thâthe ietu, Nzambi, muene tu mu tumbula kumbi dioso dia kambàmba; tu bhana jiphembèle mu dijina dié eie, izuua ioso sé dizubhilu. (Selah.)

Jisálamu 57:8

Phaphumuka, eie u muenhu uami moxi! Phaphumuka, kakoxi ni mbànza! Eme-muène ue ngi phaphumuka mu kimenemene munhá!

Jisálamu 71:14

Eme, bhabha-phe, ngi dielela jinga kokué sé kufula, ngi ku ximana jinga muene ngi tona, kizuua ni kizuua.

Jisálamu 71:23

Mizumbu iami i kala jinga ni huii mu ku ku imbila eie; katé ni muẋima moxi, u sanguluka jinga, kuma ngi muthu ué ua ngi kula.

Izaía 61:3

ni kubhana ngonge kuamba akua-malamba mu Ziione a a zuike izuatu ia makembu bhu kididi kia utôkua, bhu kididi kia malamba a a uese majiʼa kutana; bhu kididi kia kikote kia muẋima a a zuike kizuatu kia diximanu; nda a a luke kuila miẋi ia uiukilu, iòphaphe kua Jihova, phala fuma iê.

Luka 19:40

Muène anga u a vutuila, uixi: Nga mi ambela kuma, iá se a di xibha, o matadi ma di kola!

Jipoxolo 4:20

Kuma etu ki tu tena kufula kutanga o ima ioso i tua mono, i tu evu.

Dijingunuinu 7:12

exi: Kidi muén! Amén! Ni diximanu, ni fuma, ni ungana, ni kuijiia, ni kisakidilu, ni ujitu, ni ukota, ni uzonda, uangene ua Nzambi ietu katé ku hádia ni hádia! Amén!