Jisálamu 30:11 - O Mikanda Ikola

¹¹ Kudila-phe eie ua ngi katula-ku, mua ngʼiza kukina! ua ngi zula o kidiniaji, eie ua ngi kembesa ni ngalasa.

Jisálamu 30:11 ပူးပေါင်းရင်းမြစ်များ

Dimatekenu 37:35

Ni anʼê oso a mala ni a ahatu a balumuka mu ku mu konda malamba; muene-phe nguaiê ku mu konda malamba, uixi: Ngiia muene ni masoxi kuʼalunga kuaii monʼami. Tatʼâ anga u kala muene ni ku mu dila kienhiki.

Dimatekenu 45:28

Izalaiele anga u zuela, uixi: Kuabu! Monʼami Zuze mbé iú-ué! Ngiia, nga kà di mona-nê kiosuʼiki kiluua ngi fua.

II Samuuele 6:14

Davidi anga u kina, bhu pholo ia Jihova ni nguzu ioso; Davidi ua zuata efodi ia linhu.

II Malunda 20:12

Ai! Nzambi ietu, tata! Manhi hádia eie kua kâ a fundisa? Mukonda momuetu sé-mu nguzu, mu kumona o kifuẋi kiosuʼiki kia mu tuʼendelʼetu. Ni kia kubhanga tua lémbua ku kʼijiia! Kuabhu! Maji-phe o mesu metu tua ma te kokué.

II Malunda 20:3

Bheneʼobho Jozafate uoma ua mu kuata, hé u di ta mu kusota Jihova, anga u tuma o kujila, mu Juda ioso.

II Malunda 20:9

Se ku tuiza kioso-kioso kia ibha, xibhata, milonga, kipheku mba nzala, etu-phe tua-nda kuiza ku pholo iaʼnzu iii ni ku pholo ié; kuma dijina dié diala mʼonzo mumu; mu kutata kuetu, tua kà di kola kokué, eie-phe ua kà tuivua, hé u tu kudila.

Nehemiia 8:10

Nehemiia u a tangela dingi, uixi: Ndenu, mua kà die ima ia nete, ni kúnua ima ia touala, anga akuenu a kambe kuiudika kima mua kà a tumikise ue kia kúdia: mbata kizuua kiki kia dikota kiolumbile kua Ngana ietu; uila kiki, ki mu disuuate, mukonda o kusanguluka kua Ngana, iene o nguzu ienu.

Estere 9:22

kuma iene o izuua ia bhanduluka jijudé ku usuéia uambele ku a bhanga o jinguma jâ; iene o mbeje iâ iambele kukala ia lâmba anga i biluka ia ngalasa, iambele kukala ia uíndua anga i biluka ia kizuua kiambote; uixi a i bhange i kale jinge izuua ia kubhanga fesa ni kusanguluka, ni ku di tumikisa makúdia, ni ku di bhana maujitu ni kuuanena o jingadiama.

Jisálamu 149:3

A mu ximane o dijina ni kukina; a mu ximane ni kuxika kisàka ni kakoxi.

Jisálamu 150:4

Mu ximanienu ni ngoma ni kukina; mu ximanienu ni mújika ua jingoji, ni jimbendu.

Jisálamu 27:7

Ivua, Ngana, o dízui diami ki ngala kudikola; ngi kuatele henda, eie u Nzambi, u itaie.

Jisálamu 30:5

Kuma o kutema kuê, ku nanga ngó kithangana; o kulenduka kuê ku bhixila bhu suka o muenhu ua muthu! Né-mbe mu usuku, ki ku vunda, tua didi masoxi, kusanguluka-phe kuiza ni kimene.

Jisálamu 4:7

Ngalasa i ua ngi te ku muẋima uami kota, ia athu ndenge mu thembu ia kuvula o masa ni vinhu.

Ndongixi 3:4

Sai thembu ia kudila ni thembu ia kuolela; thembu ia mukondo, ni thembu ia kutuka-tuka.

Izaía 25:3

O kiki kia kà ku fumanesa katé ni ku mundu ua mazonda, o mbanza ia miji ia a-kutênde ia kà ku kuatela uoma.

Izaía 25:8

O kalunga ua ka kà bhuisa-ku muene nzaká, kienhiki Jihova ua kà kondona o masoxi mu pholo joso, inga mu ixi ioso u katula-mu o kusebuluka kua mundu uê, kuma Jihova muene ua ki tange.

Izaía 61:10

Nga kà sangulukila kiavulu mua Jihova, muẋima uami u tanena mua Nzambi iami; mukonda ua ngi zuika ni izuatu ia kubhuluka, ua ngi vungu dibeka dia kuiuka, mukuâ ni ngàiala ua kembela ubhanga, kala dibhanga dia di-zakela ni makembu mê.

Izaía 61:3

ni kubhana ngonge kuamba akua-malamba mu Ziione a a zuike izuatu ia makembu bhu kididi kia utôkua, bhu kididi kia malamba a a uese majiʼa kutana; bhu kididi kia kikote kia muẋima a a zuike kizuatu kia diximanu; nda a a luke kuila miẋi ia uiukilu, iòphaphe kua Jihova, phala fuma iê.

Jelemiia 31:4

Hanji nga-nda ku ku tunga dingi, ua kà kala ua tungiua, eie u muzeletete ua Izalaiele! Hanji ua-nda ku kemba ni isaka ié, ua kà tunda kumoxi ni iá a mu kuimba ni kukina.

Jelemiia 52:33

Anga u mu zula izuatu iê ioso ia kexile na-iu mu kiboiongo; hé uia ni kudia jinga kúdia bhu pholo ia sobha izuua iê ioso ia kexile ku muenhu.

Luka 15:22

Maji o tata-phe, uambela abhikʼê, uixi: Bhekenu, lusolo, kizuatu kia matunda, mu mu zuike-kiu! Mu tienu ue nela mu mulembu ni jisabhatu ku inama!

Nzuá 16:20

Ni kidi kiene, eme ngi mi ambela: Enu mua-ndu dila, mua-ndu kema, o mundu-phe ua-ndu sanguluka. Kidi mua-ndu kala ni malamba, maji o malamba menu-phe, ma-ndu biluka kusanguluka.

Dijingunuinu 21:4

Muène u a kondona o masoxi moso ku mesu mâ! Ki ku kala dingi kùfua, nè ngó mukondo, mba kudila, mba kukata. Mukonda ima ia diangèle-ku, ia bhiti.