Jisálamu 29:2 - O Mikanda Ikola

² Jihova mu tumbuidienu o fuma ia tokala dijina diê; Jihova mu sambedienu mu izuatu iazele, ia uabha.

Jisálamu 29:2 ပူးပေါင်းရင်းမြစ်များ

II Malunda 20:21

Anga u di longesa ni mundu, iú ua tungula akua kuimbila Jihova, phala aie ni kuximana Ngana Ukôla, mu kutunda ene a songuela ió abhakata, ni kuila: Ximanenu Jihova, mukonda o kulenduka kuê kua kalelà-ku.

Jisálamu 110:3

Makuenze mé ma kà di bheka muene mu vondadi iâ, bhu kizuua ki u katula o kilômbo; ni kukemba kuazele, anʼé a kà tomboloka kala dimume dia lelu mu kimene.

Jisálamu 27:4

Kima kimoxi ki nga bhingi kua Ngana, kiene ki ngi bhindamena jinga: o kutunga mʼonzo ia Jihova izuua ioso ia muenhu uami, mbé kutala o kuuabha kua Ngana, ni kudilonga jinga maka mu Tembulu iê.

Jisálamu 90:17

O uabhelu ua Jihova, Nzambi ietu, u kale ku thandu dietu; u kôlese ikalakalu ia maku metu; èué, ikalakalu ia maku metu i kuate kiambote.

Jisálamu 96:6

Ni ujitu ni ungana a mu kala bhu pholo iê; ni nguzu ni kuuabha kuala mu kididi kiê kiangene.

Jisálamu 97:9

Kuma, eie Jihova, eie-muène ngó Suke-ku mu ngongo ioso, eie kujinga kué jinzambi joso ja xala bhoxi.

Jelemiia 13:16

Jingisenu Jihova, Nzambi ienu, kiosuʼiki kitombe ki kieza luua, kiosuʼ ʼiki ue o inama ienu kiluua i di bhukajana ku milundu ia vundu, ni usuku uila bui; mu kuila enu mua kingile mukengeji, muene hé u u bilula kizenji kia kalunga, anga u bheka-ku kitombe.