Jisálamu 29:10 - O Mikanda Ikola

¹⁰ Jihova ua xikama bhu kiandu kiê kia bhita o dilúvio; ni kiki hanji ueniê ku ungana, o mivu iê ki ià bhua.

Jisálamu 29:10 ပူးပေါင်းရင်းမြစ်များ

Dimatekenu 6:17

Mukonda ijiia na-kiu kuma eme nga-nda kulundulula dilúvio dia menha mu ngongo, phala ku buidisa o xitu ioso iala ni muenhu bhoxi dia diulu; ima ioso mu ngongo ia kà buika.

Jobe 38:25

Nanhi muene ua bhange o mikunguiji ia mvuila ia kibhungu, mba o njila ia itèlu-tèlu ia inuminu ia nzaji,

Jisálamu 10:16

Jihova eie u muenexi, o ungana ué unangenena; matumbu a kambe kuijiia Nzambi ka kà kala mʼoxi ié.

Jisálamu 29:3

Dízui dia Jihova di bhita ku thanduʼa menha; Nzambi uene ni kubenha, u numina; Jihova ua xikama ku menha mavulu.

Jisálamu 65:7

Ua tena kubateka o kuzuma kua kalunga, o kuzuma kua mabhuku, ni ibulukutu ia ifuẋi kʼejiia Nzambi.

Jisálamu 9:8

Muene u fúndisa o mundu ni kubatula mu kidi; o akua mabhata u a tetuluila kioso kia tokala mu uiukilu uê.

Jisálamu 93:1

Jihova ua hingi ungana uê! Ua zuata kijîngo! Jihova ua zuata, ua di kutu uzonda: ixi ua i kuatesa bhu kididi kiê, ka tena ku i sendumuna.

Jisálamu 99:1

Jihova ua hingi ungana uê; akua jixi a tekete; Muene ua xikama bhu kaẋi ka jixelubini; ixi i tungute.

Daniiele 2:44

Maji, mu izuua ia jisobha jenhiji, o Nzambi ia diulu ua kà bhekaku o utuminu ki u xikina dingi ku u jikinisa; o utuminu iú kà u ehela ku bhita dingi bhu maku ma miji iengi; uene kiá ua kà sasujula o mautuminu mosoʼama anga a-bhua-ku, maji o uene ua kà xalela ni kutumina mu thembu joso katé ku hádia ni hádia.

Matesu 6:13

Ku tu ehele kudibhala mu kudianguka, maji tu kudile ku Dimonho; mbata ungana ué Eʼ muène, ni nguzu, ni fuma sè dizubhilu. Amén.

Marku 4:41

Uôma anga u a kuata kiavulu, a di ambela mudia, exi: Mukua-hi muene u kala kiki, u bhinga ni kitembu ni mabhuku ma mu belesela?

I Timote 1:17

Mu kienhiki, o muenexi ió, kene kúfua, kene kumoneka ku mesu, o Nzambi imoxi ngó—a tambule ujitu ni fuma mu mivu ni mivu sè dizubhilu! Amén.