Jisálamu 28:9 - O Mikanda Ikola

⁹ Bhulula, Ngana, o mundu ué; undundu ué u kale ni dibesá; kala eʼmuène u mubidi uâ, u a dise izuua ioso.

Jisálamu 28:9 ပူးပေါင်းရင်းမြစ်များ

II Samuuele 21:3

Davidi anga u ambela akua Ngibiione, uixi: Ngi mi bhanga kiebhi? Ngi mi bhana kima kiahi mu ku mi luulula, phala mu bhane dibesá ku undundu uangene ua Jihova?

II Samuuele 7:7

Mu ididi ioso mu nga nhungana ni anʼa Izalaiele, ua ngiʼvua ni ku ki zuela ku miji ia Izalaiele ioso i nga tuma jinga kuinga mundu uami ua Izalaiele, kuila: Mua kambela-hi ku ngi tungila inzo ia misédulo?

I Jisobha 8:51

Mukonda Izalaiele ene o kifuxi kié ni undundu ué u ua katula mu ixi ia Ijito, muʼaxaxi ka dijiku dia utadi ua felu.

I Jisobha 8:53

Mbata eie ua tungula mu madiembu moso mu ngongo, nda a kale undundu ué, kala ki ua tangele mu ukunji ua ngunza ié Mozé, kumbi di ua katula o jitata jetu mu Ijito, Ngana Jihova, tata!

Ejidala 1:4

Uoso kiá ua subhuka mu ididi ia inhunginu iê, mua tungu anʼa Izalaiele, athu aia-nê bhu kididi kienhókio a mu kuatekesa ni phalata ni ulu ni jimbongo joso ja tokala, ni ibhaku; o maujitu a tunda ku muẋima phala inzu ia Jihova, iala mu Jeluzaleme, ió a di kexidila.

Jisálamu 14:7

Euá! Tamanu ku Ziione ku tunda kubhanduluka kua Izalaiele! Jihova hinu kia kà bhongolola jihutile jê ku makanga, Jakobo u tana-ku, o Izalaiele u sanguluka.

Jisálamu 25:22

Nzambi iami, kula Izalaiele mu jiphaxi jê joso.

Jisálamu 78:71

Ua mu katula mu kuendesa jimama ja jimbudi ni tuana tuâ, phala kukala mubidi ua Jakobo, o mundu uê uangene, ni Izalaiele dia undundu uê.

Izaía 40:11

O kilunga kiê, ua kà ki disa kala mubidi; O tumbudi ua kà tu ongeka bhu maku, hé u tu akata bhu jihata jê; o joso javuala, muene u ji endesa kilendu.

Izaía 46:3

Ngʼivue kunu, diembu dia Jakobo, tata, nʼenu mu masubhu ma diembu dia Izalaiele; enu mu athu nga mi ambatela bhu maku tundé mu mala; eme nga mi lela tundé mu divumu.

Izaía 63:9

Mu lamba diâ dioso ni muene uevile dilamba, anga mukunji uene bhu pholo iê u a bhulula; mukonda dia henda iêmuène ni kulenduka kuê, muene ua a bhulula; iu ua a tambula, iu u a endesa jinga kienhiki mu izuua ioso ia xahúlu.

Jelemiia 10:16

O dikanda dia Jakobo-phe, ki dia di fuangana ni iá; kuma muene-muène mubhangi a ima ioso, o Izalaiele muene mbangala ia undundu uê; Jihova dia Ilombo Ieta, diene o dijina diê.

Jelemiia 31:7

Mbata Jihova uixi: Imbenu ni ngalasa kua Jakobo; tanenu mukonda dia Kitoto kia ifuẋi; tenu nzongo, imbenu diximanu, zuelenu muexi: Bhulula, Jihova, o mundu ué iá, a subhuka kua Izalaiele.

Mikeia 5:2

Eie Beleme dia Efrata, sumbala uala u kambonga muʼaxaxi ka jimidi ja Juda, maji mo-mué muene mua kà tunda u ngi kalela Ngana mu Izalaiele, uavu o matundilu mê ma kalelà-ku tunde mu xahulu, mu izuua ia kalelàku.

Mikeia 5:4

Muene anga ua kà nangenena, ifuẋi anga ua kà inga mu nguzu ia Jihova ni mu ungana ua dijina dia Jihova Nzambi iê! Ene uâ a kà kala bhua kondama, mukonda kindala muene ue a kà mu zangeleka katé ku aẋokololo kua suku oxi.

Mikeia 7:14

Ni dikoue dié, enda ni kuinga o muiji ué, mukonda kiene o kilunga kia undu-ndu ué, kia tunga kì kia kalé ngó ubheka uê mu ditutu, mu kaxi ka ixi ibhakula kiambote o idima; ua engila mu Basane ni mu Ngiliiade, phala a kà dile mueneʼomo kala mu izuua ia xahulu.

Matesu 2:6

Eie Beleme, mʼoxi ia Juda, kualʼé ngó u ndenge mu makota a Juda; mbata mó mué muene mua kà tunda o Dikota ua kà kala mubidi ua athu ami a Izalaiele.

Efezo 1:18

Nga mu bhinga phala a jikule o ilunji ienu, a mi tonese o mesu ni mu mone o mukengeji, nda mu ijiie ioso ia tu dielelesa Nzambi mu kixanu kiê. Mbé ni mu ijiie ue kioso kiavulu o jimbongo ja mabesá mê ma tange kubhana o mundu uê,

Matendelelu 1:31

ni mu kikangalakata, mu mua bhiti ni ku mi ambata kuala Jihova Nzambi ienu kala muthu kiʼambata monʼê, mu njila ioso mu muejila katé ki mua bhiẋila bhu kididiʼiki.

Matendelelu 32:9

Mbata dikânda dia Jihova o povo iê iii; Jakobo muene dijikita dia undundu uê.

Matendelelu 9:26

Eme-phe hé ngi sambela Jihova, ngixi: Ngana Nzambi, Nzambi tata, ku ki bhange kubuikisa o povo ia tokala undundu ué, povo i ua kula ni unéne uoso, Eie ua i jituna ku Ijito, ni lukuaku lua undanda.

Matendelelu 9:29

Suke kiene, ene-phe hanji ene o povo ié, ene undundu ué u ua katula ni undanda ua lukuaku lué lua suína.