Jisálamu 27:10 - O Mikanda Ikola

¹⁰ Mukonda kioso o tatʼetu ni mamʼetu kia ngʼehelela, Ngana muene u ngi tambulula.

Jisálamu 27:10 ပူးပေါင်းရင်းမြစ်များ

II Samuuele 16:11

Davidi anga u ambela dingi Abisai, ni akua mbèle iê oso, uixi: Talenu: Sumbala monʼami ua ngi tundu moxi, ku miongo iami, ua bhindamena ku ngi bua o muenhu uami, kuambe-phe dingi mukua Bejamí iú, lelu u fula kiebhi ku ki bhanga? Mu ehienu, a xinge, kuma Jihova muene ua mu tumu.

Jisálamu 69:8

Muʼaxaxe ka phange jami nga dí bhange ngi muthu uengi, nga kituka ngi nzuángiza ku anʼa mamʼetu.

Izaía 40:11

O kilunga kiê, ua kà ki disa kala mubidi; O tumbudi ua kà tu ongeka bhu maku, hé u tu akata bhu jihata jê; o joso javuala, muene u ji endesa kilendu.

Izaía 49:15

Manhi muhatu u tena kujimba monʼê ua mu vuala, katé kia suka muene bhu kuehelela, mona ua tundu mu mala diê? Né-mbe bhu kala mama u landuka monʼê, eme-phe kana, kuma eie ki nga kà ku jimba, lémbue!

Matesu 10:36

Kienhiki muthu, akua dibhala diê, ene a mu kala jinguma jê.

Nzuá 16:32

Talesenu-phe, kumbi dia bhixila kiá, dia kuila enu oso mu muangana, kala muthu ku mbandu iê, eme hé mu ngi xa ubheka uami. Maji ki ngala-phe ubheka, mukonda Tata uala ni eme.

Nzuá 9:35

Jezú ki evu kuma muthu ió mʼonzo ia kusambela Nzambi a mu kaiesa-mu, u takana-nê, hé u mu ambela, uixi: Eie ua xikana o Monʼa Nzambi?

II Timote 4:16

Ku dimanda diami, ki nga diangele kufunda, kana muthu ua ngi bandele. Ene oso a ngi xile. Nzambi tamanu ka a tela na-kiu mu konda iâ!