Jisálamu 26:1 - O Mikanda Ikola

¹ Ngi lúngise, Ngana, ua ngi mono o kuenda kuami, ki nga bhalumuna mulonga; nga dielela muene kua Jihova, sé kuvula ilunji.

Jisálamu 26:1 ပူးပေါင်းရင်းမြစ်များ

II Jisobha 20:3

Auá! Jihova, tata! Nga ku diondo xinganeka kuila ngʼende bhu pholo ié ni kidi, ni muẋima ua tenena nga bhange muene ima ia kuiuka bhu mesu mé-eie.

Jobe 2:3

Jihova anga uambela Satana, uixi: Mubhikʼami Jobe ua mu mono? Mukonda mu ngongo kana-mu muthu ua di fu ni muene, muthu ua kidi ua iuka o muẋima, mukua uoma ua Nzambi, o ia ibha u i lenga. Sumbala eie ua ngi funhisa phala ku mu jikinisa sé kikuma, maji muene hanji a jijila kuiuka kuê.

Jobe 4:6

Manhi o uoma ué u ua kuatela Nzambi, ki kuene ku ua tele muẋima, o kudielela kué ki kuala ku njila jé-eie ja iuka?

Jisálamu 121:3

Ka ku ehela kinama kié kuẋangumuka; Ió uene mu ku ku langa, kʼàia dingi ku kilu.

Jisálamu 15:2

U kala muthu ua tenena mu kuenda kuê, mukua kukalakala ima iaiuka, u tanga kidi ni ku muẋima.

Jisálamu 21:7

Kuma muenexi ua dielela kua Jihova; o jihenda ja Suke-ku ja mu bhake kididi, ka tena ku mu lundumuna.

Jisálamu 25:2

Nzambi iami nga ku dielela, kana ku ngi kakula, kuehele jinguma jami ku ngi tolola!

Jisálamu 25:21

Kuiuka kuami ni kutetuluka ku ngi konde mbandu ni mbandu; kuma eie-muène, Ngana, nga ku kinga.

Jisálamu 26:11

Eme-phe nga mesena ki ngi kala ni ikuma; ngi kudile bhuoso bhu nga tatela, u ngi kuatele henda.

Jisálamu 28:7

Jihova muene nguzu iami, ngubu iami; muẋima uami ua mu dielela muene, eme nga bhanduluka; kia bhangesa muẋima uami kukala ni ngalasa iavulu; ngi kuata muimbu ua ku mu ximana jinga.

Jisálamu 31:14

Maji eme-phe, nga dielela ko kué, u Jihova, ngixi: Eie, eie u Nzambi iami.

Jisálamu 35:24

Ngi fundise, Jihova, u Nzambi iami, mu kidi kié ki uene na-kiu; enhó ka kale dingi mu ku ngi tobhesa.

Jisálamu 37:31

Ngonge ia Nzambi ií ku muẋima uê; kana dikanda diê di xangumuka.

Jisálamu 4:5

Nzambi mu mu satela ni kidi, phala Jihova mu mu dielele kiambote.

Jisálamu 43:1

Ngi tetuluile, Ngana Nzambi, u ngi fundile o mulonga uami ni mbutu ia athu a iibha o muẋima; ngi kudile ku kiiala mukua makutu ni mangonha.

Jisálamu 54:1

Ngi bhulule, Ngana Nzambi, mu dijina dié; ngi fundise, kuma eie uala ni kijingo.

Jisálamu 62:2

Nzambi muene ngó o ditadi diami di ngi bhana muenhu; kua muene ku nga kondamena, ka ngi zambesa kiavulu, kana!

Jisálamu 62:6

Muene ngó o ditadi diami di ngi lengela; muene kubhuluka kuami; kua muene ku nga kondamena, ka ngi zambesa, kana!

Jisálamu 7:8

Jihova mukua kufundisa o ifuẋi ioso, a dikola kokué, ngi fundise eme, u Jihova, kala kia tokala mu kulúnga kuami, ni mu kidi kiami ki ngala na-kiu moxi.

Jisálamu 94:18

Nga ki ambele kiá, ngixi: Eme nga ẋangumukʼó; eie-phe u Jihova, mu henda ié, ua ngi kambuila, ki nga di bhale.

Jisabhu 20:7

Muthu ua iuka, uendela mu kuiuka kuê, ió kuzediua u ku xila anʼê, muene kia tunda-ku.

Jisabhu 29:25

O kukala ni uoma ua muthu, ki di bhanga mubhetu u fuisa muthu; maji uoso u dielela kua Jihova, uala ditala dia di leka, ka mu tena.

II Kolindo 1:12

Kuma etu o thathe ietu ieniii, o kitongoluelu kietu kia tu bhela umbangi muʼaxaxi kenu, kuma tuende mu ngongʼumu mu kuzela ni kidi kia tu bhana Nzambi. Tuende ue, kana mu jindunge ja xitu maji mu kiadi kia Nzambi.

Jihebeleu 10:23

Tu kolokotienu ni kufisala o kixikanu kietu sé kubhuila, kuma Nzambi ua tu bhana kizuelu uala fiiele.

I Phetele 1:5

O mabesá enʼiâ phala enu oso mu kutena kua Nzambi, a mi lange mu kuxikana, ni mu kukinga o kubhulukʼ oko kua-ndù tukuluka mu kithangana kia kà suka-ku.

II Phetele 1:10

Uila kiki, enu mu akuetu, phange jami, Sotenu izuua ioso kukala ni muẋima ua kolo mu kuijiia kuma Nzambi kidi kiene, muène ua mʼixana iú ua mi solo. Mbata se kiene ki mu bhanga, ki mua-nda kudibhala dingi.

I Samuuele 2:9

Muene u langa inama ia athuʼê abhu o ituxi; o a ta ituxi-phe u a bheka muʼalunga mua vundu, anga muenhomo a di xibha muene hudi! kuma nguzu ki iene i lendesa muthu nʼa tundu akuâ.

I Samuuele 24:15

Jihova-phe a batule bhu kaẋi kʼami ni eie, Mufundixi uetu a tale uoso ua bele ni eme ni eie, a ngi fundile mulonga uami, a ngi tambule bhu lukuaku lué.