Jisálamu 25:7 - O Mikanda Ikola

⁷ Kana kuxinganeka kuzangata kuami kua undenge; mba u kaiela o itondalu iami, né nga ku bhukumukina, ngi kuatele henda mu kiadi kié, u Jihova.

Jisálamu 25:7 ပူးပေါင်းရင်းမြစ်များ

Jobe 13:26

Mukonda diahi eie ua mu ngi xindila ima ia lulu, o ikuma iami ia unzangala ua mu ngi lunduisa na-iu dingi?

Jobe 20:11

Né-mbe hanji o ifuba iâ izala ni nguzu ia unzangala uâ, hanji-phe nguzu iâ a kà zeka na-iu muene mu fufutila ia mavu.

Jisálamu 106:3

Azediua ió oso a kumbidila o kidi kia fuama; ni ió izuua ioso a bhanga o ima iaiuka.

Jisálamu 106:4

Eme-phe, u Jihova, ngi xinganeke ni vondadi iambote kala ki uene kubhanga o mundu ué; ngi sange bhu ngala phala u ngi bhulule.

Jisálamu 109:14

Jihova ende ni kuxinganeka jinga muene o kubhukumuka kua jitata jê; o kituxi kia manhʼâ ka ki jimune, lémbua!

Jisálamu 109:16

Mukonda o muene ue ka xikina kukuatela henda; ni ngadiama ni phulungu ua mu zukutisa jinga muene, mukua kikote kia muẋima u mu bhondeleka muene, phala ku mu jibha.

Jisálamu 109:26

Ngi kuatekese-phe eie u Jihova, u Nzambi iami! ngi bhulule mu jihenda jé javulu, ji uene na-ju!

Jisálamu 119:124

Selevende ié mu bhange kala ki tuma o kiadi kié, u ngi longe ioso i ua lekelela.

Jisálamu 31:16

Pholo ié i kale ni ngalasa, ko kuami ngi mubhikʼé; ngi bhulule mu kulenduka kué ku uene na-ku.

Jisálamu 51:1

Ngi kuatele henda, Ngana Nzambi, mu kulenduka kué ku uene na-ku; kaiela ki ku tuma o jihenda jé javulu, u ngi jimuine o itondalu iami ioso.

Jisálamu 6:4

Bhomba muẋima, Jihova, u ngi kudile muenhu uami; ngi bhulule, nga ku diondo mu henda ié.

Jisálamu 79:8

Kana kuta mu konda ietu o ituxi ia jitata jetu; jihenda jé jendelè-ku mu ku tu sanga, kuma tua sebuluka kiavulu ki tualʼiki!

Izaía 38:17

Tala-ze, phala kutululuka kuami, nga bhiti-phe ni mavuua a vulu; eie-phe, mu henda ié, ua bhulula o muenhu uami, kua u ehela kulaúka mu kina mua kala o kusekumuka; kuma o ituxi iami iene ioso, eie Ngana, ua i takula ku dima dié.

Izaía 43:25

Eme, eme-muène ngi jimuna o itondalu ié mu henda iami; o ituxi ié ki ngi i banze dingi.

Izaía 48:11

Mukonda dia Dijina diami, mu Dijina diami, muene mu nga ki bhange, abha-phe ngʼehela kiebhi o dijina diami ku di-kasanesa? Kijingo kiami ki nga kà ki bhana ku muthu uengi.

Izaía 64:9

Ku thathamane kinéne, Jihova tata, mba u jijila kuxinganeka o itondalu ietu; o kiki, tala etu tua ku diondo, etu-enʼoso tu athuʼé.

Jelemiia 3:25

Tua xalela mu jisonhi jetu; a tu vungina kuala o kavuanza ketu, mbata Jihova Nzambi ietu tua mu te kituxi, nʼetu ni adietu, tundé mu undenge uetu katé mu kizuua kia lelu; etu tua fulu ku bhana matui ku dízui dia Jihova Nzambi ietu.

Jelemiia 31:34

Ki kua kà kala dingi muthu u longa mukuá, mba muthu uambela phangiʼé, kuila: Ijiia Jihova; mukonda ene oso a-nda kua kà ngʼijiia, tundé ku monʼa-ndenge mudiʼâ katé ku muadiakimi, Jihova ua ki tange. Mukonda nga-nda kuloloka o ikuma iâ, o ituxi iâ ki nga kà i xinganeka dingi.

Nzuá 5:14

Mu kithangana kiengi, Jezú u mu sanga mu Tembulu, anga u mu ambela, uixi: Talesa, eie uelukʼó; ku te dingi kituxi, phala o lamba dia beta ki di ku kuate.

Nzuá 5:5

Anga bhu kala muthu bhenhobho, uhaxi uê ua bhange na-u kiá makuinhi atatu a mivu ni nake.

Jihebeleu 8:12

Anga Eme nga kà loloka o ibhengele iâ, o ituxi iâ ki ngà i lembalala dingi.