Jisálamu 25:6 - O Mikanda Ikola

⁶ Xinganeka, Jihova, jihenda jé ni jimbote jé; mukonda jene ji uene na-ju tunde dia tunde.

Jisálamu 25:6 ပူးပေါင်းရင်းမြစ်များ

Dimatekenu 24:27

Uixi: A tane-ku! Jihova, Nzambi ia muadiʼami Mbalahamau, ka zúmbuka ku henda iê ni kidi kiê iedikiza jinga muadiʼami; eme bhabha Jihova ua ngendesa muene mu njila mu ngejila, iú ua ngi bheka bhu bhata dia ji-phange ja ngana iami.

Dimatekenu 32:9

Jakobo anga u amba, uixi: Eie u Nzambi ia tatʼetu Mbalahamu, u Nzambi ia Tatʼetu Izake, u Jihova ua ngʼambela uixi: Vutuka kʼoxi ienu, ni ku undandu uenu, eme ngi kala mu ku ku bhanga mbote;

II Malunda 6:42

Auá! Ngana Nzambi, tata, pholo ia muthu ué ua mu undu ni maji ku i bhangese ku lunguluka; xinganeka o jihenda ji ua kuatela Davidi dia mubhikʼé.

Nehemiia 13:22

Akua Leví ue nga a tangela ngixi mu di zelesa, anga muiza, mu langidile bhu mielu, nda mu kôlese o sabhalu. (Mu kiki ue eie, u Nzambi, iami, ngi te muẋima; anga u ngi loloka kala kiavulu o henda ié.)

Nehemiia 9:19

eie mu nzungule ia jihenda jé, ku a ehelela mu kikangalakata. Mu muanha dituta dia kilembeketa ki dia a kambele, né o dituta dia túbhia mʼusuku, phala kuia ni ku a muikina, ni ku a edikiza jinga o njila mu endela.

Jisálamu 103:17

Maji o henda ia Jihova-phe, ku i tunda, ku i ia, ki iene thembu; ia xalela ku thandu dia akua uoma uê; o ku kumbidila kuê ni ku mululu ni ku mulaula.

Jisálamu 103:4

u kula muenhu ué mu diela; hé u ku zuika kiadi ni henda kala kitundu.

Jisálamu 106:1

Haleluia! Sakidilenu Jihova; kuma muene mukua kubhanga mbote; mukonda o jihenda jê ki jene kúbhua.

Jisálamu 106:45

U xinganeka o kikutu kiê, hé u diela mukonda dia jihenda jê javulu.

Jisálamu 107:1

Ximanenu Jihova, o mbote iê iene mu bhanga; mukonda o jihenda jê ki jene kúbhua.

Jisálamu 119:77

Jihenda jé, Ngana, ji ngi sange, phala ngi laie; kuma o ngonge ié, iene i ngi bhana o kusanguluka.

Jisálamu 40:11

Eie ue, u Jihova, ku fule ku ngi ta muẋima ni jihenda jé; o kiadi kié ki ngi kale ku mbandu joso, ni kidi kié.

Jisálamu 69:13

Eme-phe ki ngalʼiki, ngi samba ko kué u Jihova, kithangana kienhiki kia ku ngʼivua eie u Nzambi; mu kulenduka kué kuavulu, ngʼivue, u itaie mu kidi kié kia Kibhamuenhu.

Jisálamu 69:16

Ngʼivue, Jihova, kuma o kulenduka kué kuauabha; mu jihenda jé javulu kinéne, ngi lunge mesu mé kunu ku ngala.

Jisálamu 98:3

Ua xinganeka o henda iê ni kidi kiê, mu kutambula konda ia dibhata dia Izalaiele; katé ku maẋokololo a jixi, uzonda ua Nzambi ietu a u mono.

Makatukilu 15:13

Mu kiadi kié uendesa o mundu iú, u ua kula eie-muene (ua di bhange u kilamba kiâ); mu nguzu ié ua ambata Katé bhu kibúta kié kikôla kia kuzela ni kuiuka.

Makatukilu 34:6

O Jihova kioso kia mu bhita bhu pholo iê, Mozé, u mu kola, uixi: Jihova, Nzambi ia jihenda ni kiadi, ua lenduka, u kokoloka mu kuthathamana, u kôla mu kukuatela henda, ufiiele u vula.

Izaía 55:7

mukua-ituxi ehe o njila iê, o ua iibha muẋima a tule mabanzelu mê; a vutuke kua Ngana, u mu kuatela henda; nʼalukile kua Nzambi ietu, kuma muene mukua kuloloka kiavulu.

Izaía 63:15

Ividila tundé ku maúluʼoko, u tale kunu tundé bhu kididi kié kiangene bhu ua tunga. Muanu ué Ngana uala kuebhi, ni ikalakalu ia uzonda ué? o kulenduka kua muẋima ué ni jihenda jé ji kale ni eme!

Jelemiia 31:20

Manhi Ifalaíme ki monʼami ua hate? Kamona kami ka makembu? Mukonda kioso ki ngi zubha ku mu zuela ima ia ku mu bhanga kia ibha, hanji ngi mu xinganeka ni muẋima uoso; kienhiki miẋima moxi i ngi bhuá-mu mukonda dia muene, hanji nga-nda ku mu kuatela henda ia vulu, Jihova ua ki tange.

Jelemiia 33:11

Hanji a-nda kuívua-mu o mbimbi ia kukemba, ni mbimbi ia kusanguluka; mbimbi ia ngaiala, ni mbimbi ia dibhanga; ni mbimbi ia iá a mu tanga, exi: Ximanenu Jihova dia Ifuẋi, kuma Jihova mukua mbote, mukonda o kulenduka kuê ki kuene kúbhua; ni mbimbi ia iá a mu kuiza mu ku bheka diximanu monzo ia Jihova; mbata o kikexilu kia ixi nga-nda ku ki lungulula uila ku dimatekenu, kiene kia tange Jihova.

Daniiele 9:18

Nzambi iami, bheteka mátui kunu, uívue; tona mesu, u mone kubhondalala kuetu, u tonginine ue o mbanza iatokala mu dijina dié. Mbata o ki tuala kusamba kiki bhu pholo ié, ki tua dielela o kulunga kuetu, maji tua dielela mu kulenduluka kué eie ku uene na-ku kua nzungule.

Habakuke 3:2

Jihova ngevu, maka mé mu uazuela, o uoma iu ua ngi kuata! Kikalakalu kié u Jihova, bhana-kiu dingi muenhu ku mivu ioso, o i uazuela enda ni ku i ijidisa dingi ku mivu ni mivu; kioso ki u thathamana jinga lembalala, Ngana, o kulenduka kué!

Luka 1:50

O henda iê ia kalé ku miji ni miji ku thandu dia iá oso a mu xila.

Luka 1:54

Ua kuatekesa Izalaiele dia mubhikʼê, Iú ua banze o henda iê, kala ki ambelele o jitata jetu.

Luka 1:78

mukonda Nzambi ietu, Nzambi ia jihenda ni mbote! Ua bhangesa Dikumbi-dia-Thunda ku tu zungila,

II Kolindo 1:3

A ximane Nzambi, Tata ia Ngana ietu Jezú Kristu, Tata ia jihenda, Nzambi ió athu oso kuene mù tambula o dikuatekesu!

Filipe 1:8

Nzambi muene uala mbangi iami, ia hânji iavulu i nga mi kala na-iu mu jihenda ja Kristu Jezú.

Filipe 2:1

Uila kiki, mua Kristu se muala o kulunga, se muala kutululuka kua henda, se muala ukamba ua Nzumbi, se muala jihânji ni jihenda,

Kolose 3:12

Enu phe muala mu athu a Nzambi. Muene ua mi tungula phala mu kale mu athu ê, ua mi lumbu, ua mi zola. Kala kiki, enu zuatenu muẋima uanengana, ni kunheṗhuka, ni kubatama, ni kubelesela, ni kuxidikika.

I Nzuá 3:17

Muthu uoso-phe ua kuata o jimbongo ja mu ngongʼumu, anga u talesa phangʼiê ua bhindama, maji u mu kolela muẋima, muthu ió u tanga kiebhi kuila ua zolo Nzambi?