Jisálamu 25:5 - O Mikanda Ikola

⁵ Ngʼendese, u mukua kukumbidila o kidi; ngi longe, u Nzambi iami ia kibhamuenhu; kumbi dioso dia kambamba ngi kinga kokué.

Jisálamu 25:5 ပူးပေါင်းရင်းမြစ်များ

Dimatekenu 49:18

Nga kinga ubhulukilu ué, u Jihova.

Nehemiia 9:20

Anga u a bhana o Nzumbi ié iambote, mbé i a longe; o maná ié, ku a katula-iu mu kanu diâ; anga u a bhana menha mu dinhota diâ.

Jobe 36:22

Tala-phe, Nzambi u diʼdikiza kuma muene munéne mu kutena kuê! Nanhi u longa kala muene?

Jisálamu 107:7

Hé u a songuela mu njila ia iuka, katé kia bhiẋila-nâ ku mabhata kua tungu athu, mu sanzala mua fuama ene kukala.

Jisálamu 119:26

Nga ku kundu o mauendelu ami oso, eie-phe ua ngʼivu, ua ngi vutuila; ngi longe o ijila ié.

Jisálamu 119:33

Ngi longe, u Jihova, o njila ié kioso ki ua i xinda, eme ngi i kuate muene katé ku ia suku.

Jisálamu 119:66

Ngi longe kutongoloka ni kukala ni kilunji; kuma o itumu ié nga i xikana.

Jisálamu 119:97

Ngonge ié ku ngi uabhela kuahi! Ngi i xinganeka kumbi dioso dia kambàmba.

Jisálamu 22:2

Nzambi iami, tata, ngala kuila ngi dikola mu muanha, eie-phe kua ngi suu; ni mu usuku ngi dikola, ki ngene kudixibha, maji eie ku ngʼivu.

Jisálamu 24:5

Muenhú muene o muthu u tambula dibesá dia Jihova; a mu bhana ue kulúnga kuala Nzambi iê ia kibhamuenhu.

Jisálamu 25:10

Jinjila ja Jihova jene joso ja henda ni kidi; muene u di tuma ni ió oso a kuata kikutu kiê ni maumbangi mê.

Jisálamu 25:8

Jihova muthu uambote, o kuiuka kuvula; kiene kia tenena kulonga akua ituxi o njila.

Jisálamu 68:20

Nzambi ietu, tua mu mono muene, kuma Nzambi ia kukudila mu iluezu; o jinjila ja kubhuluka mu kúfua, muene Jihova, Ngana ietu, uala na-ju.

Jisálamu 79:9

Tu bhandulule, eie u Nzambi ietu ia Kibhamuenhu, mukonda dia fuma ia dijina dié; mu dijina dié tu kudile, o ituxi ietu u i loloke.

Jisálamu 86:3

Ngi kuatele henda, Ngana, kuma kumbi dioso dia kambàmba nga dikola ko kué.

Jisálamu 88:1

U Jihova, Nzambi ia ubhulukilu uami, ngi dikola ko kué muanha ni usuku.

Jisabhu 23:17

Muẋima ué ki u kale ni dixinga dia akua ituxi; inda kumbi dioso dia kambamba suua ngó kuxila Jihova.

Jisabhu 8:34

Uoso muthu u ngi bhana mátui muene ua zediua, anga uia ni ku ngi xikamena bhu mielu iami kizuua ni kizuua; hé ukuata ku kingila bhu mielu bhuoso bhu ngi bokuena.

Izaía 30:18

Kiene-phe kia-nda ku kingila Jihova ku mi kuatela henda; kiene kianda ku mi zangumuina phala ku mi lendukila, mukonda Jihova uene Nzambi ia kutetuluka; azediua oso a kinga kua Muene.

Izaía 35:8

Anga mua kà jikuka o kikoka ni njila, a kà ʼixana Njila Ikôla kifusa ka kà tena ku bhita-mu, maji ia kà kala ngó phala o mundu uê; o jingenji né-mbé kiá ioua, se a i tondala, vondadi iâ.

Izaía 42:16

Anga ngi batesa o ifofo mu njila kiluua a ijiia, nga kà a bhitisa mu njila ia musanu; o kitombe nga kà ki bilula mukengeji bhu pholo iâ, o njila jala matadi nga ji iukisa. O ima ienhiʼii iene i nga-nda ku a bhanga, ki mungu dingi nga ehelela.

Izaía 49:10

Ka kala dingi ni nzala, kà kala dingi ni dinhota, né muzukuta né muanha ki ua kà a kuama dingi; kuma muenhó mukua ku a lendukila, ua kà endesa, anga ua kà a batesa kilendu katé ku jifiẋi ja menha.

Izaía 54:13

Anʼé oso a kala maxibulu a Jihova; o kutululuka kua anʼé kua kà di-xala.

Jelemiia 31:9

À keza ni kudila, nga kà ambata ni kudionda; ngà kʼendesa ku tungiji tua menha, ngiia-nâ mu njila ia iuka, mua bhingi, kà ka dibhukana dingi; kuma eme nga di bhange ngi tata phala Izalaiele, O Ifalaíme muene phande-kumbi iami.

Mikeia 7:7

Eme-phe o Jihova muene-muène nga kà mu kinga, nga ka kinga kua Nzambi ia ubhulukilu uami; Nzambi iami ua kà ngʼivua.

Luka 18:7

Abha, Nzambi u kamba kufundisa athuʼê ua a sola, a di kola-kola kua muène mu muanha ni mu usuku, anga ua zokelela mu milonga iâ? Manhi u kokoloka mu ku a banda?

Nzuá 14:26

Maji o Mukuatekexi ió-phe, muène muène Nzumbi Ikôla, a-ndu mu tumikisa kuala Tata mu dijina diami, muène u mi longa ima ioso, hé u mi lembalesa ima ioso i nga mi ambela.

Nzuá 16:13

O kʼ iza-phe ió, o Nzumbi ia kidi, mùene u mi endesa mu kidi kioso. Kuma muène ka kà di zuelela o iê muène, maji ioso i evua, iene ia kà mi ambela, hé ua kà mi tangela ima ia kèza-ku.

Nzuá 6:45

Kiôsoneke mu divulu dia Jipolofeta, exi: Ene oso à kala òlonge kua Nzambi. Kienhiki, uoso uevu kua Tata, iu ua di longo kiá kua muène, uiza ko-kuami.

Loma 8:14

Kuma oso a endesa kuala o Nzumbi ia Nzambi, ene anʼ a Nzambi.

I Nzuá 2:27

Maji enu-phe Kristu ua mi lunduluila o Nzumbi Ikôla ku thandu dienu. Kiosuʼiki ió mua mu tambula kua muène ua tungu moxi dienu, ki mua bhingi dingi muthu ku mi longa. Mukonda o Nzumbi Ikôla muène u longa mu ima ioso, kuma muène o kulonga kuê kua kidi ki kua makutu, kana. Kala kiki, kioso kiá kia mi longo o Nzumbi Ikôla, ʼkiene ki mu kuata, mu jijile o kudiongeka ni Kristu.

Dijingunuinu 7:17

Kuma o Kambudi uene muʼaxaxe ka kiandu, u kala mubidi uâ, muène u a endesa jinga bhu jithu ja menha ma muenhu. O Nzambi anga ua kondona masoxi moso mu mesu.