Jisálamu 25:2 - O Mikanda Ikola

² Nzambi iami nga ku dielela, kana ku ngi kakula, kuehele jinguma jami ku ngi tolola!

Jisálamu 25:2 ပူးပေါင်းရင်းမြစ်များ

II Malunda 13:18

Kienʼiki anʼa Izalaiele a di zangelekele mu thembuʼomo, a a tululula; anʼa Juda a tolola mukonda a dielela kua Jihova, Nzambi ia jitata jâ.

Jisálamu 13:5

Eme-phe nga dielela mu kulenduka kué; muẋima uami u sanguluka mu kuila eie ua ngi bhulula!

Jisálamu 142:6

Ngi suue, Ngana, o kudikola kuami, kuma nga tunuka kiavulu. Ngi kudile kua ió ala ku ngi zuididika, kuma ene, eme a ngi tundu mu nguzu.

Jisálamu 18:2

Jihova muene ditadi diami dia kipena, muene mbonge iami ia ku di kondela, kilolo kia ku ngi kudila; muene Nzambi iami, mbonge iami, nga dielela kua muene; muene ngubu iami, lumbinga lu ngi bhângela, ditala diami dia di leka.

Jisálamu 22:1

Nzambi iami, Nzambi iami, ua ngʼehelelela-hi-á? Ua sukila-hi ngó mu kanga, ni kufula ku ngi kudila, ngala kudikola kiki?

Jisálamu 22:5

A dikola jinga kokué, eie anga u a bhandulula; o kia ku dielela jinga, eie-phe kua a kakula, kana.

Jisálamu 22:8

Ua di fiiala Jihova, kiki a mu kudile-phe; a mu bhulule, kuma muthu uê ua mu uabhela kiambote.

Jisálamu 31:1

Ko kué, u Jihova, ku nga lengela; ku ngʼehele kukakuka! ngi bhulule, Ngana, mu kubatula kué kua kidi.

Jisálamu 31:15

Mukonda o ithangana iami iala bhu maku mé; ngi kudile bhu maku a jinguma jami, ni kua ió ala ku ngi zuididika.

Jisálamu 31:2

Ngi bhetekele o mátui mé, endelà-ku, Ngana, mu ku ngi bhulula; u ngi kale u ndánji iami iakolo, u di bhange mbonge ia nguzu i tena ku ngi kudila.

Jisálamu 34:8

Lolenu, mu mone kuma Jihova uene ni mbote; muthu ió u lunga uoso ua mu dielela muene.

Jisálamu 37:40

Jihova u a kuatekesa, u a kudila; u a kudila ku isuéia, hé u a bhulula, mukonda a lengela kua muene.

Jisálamu 41:11

Bhene bhu ngi kʼijidila kuila eie ua ngi kala ni ngalasa, se ngi mona kuma o nguma iami ka ngi lende.

Jisálamu 56:1

Ngi kuatele henda, Ngana Nzambi, kuma o muthu mu ngongo ua mesena ku ngi dia; kumbi dioso dia kambàmba iá bhânga mu ku ngi xinina bhoxi.

Jisálamu 7:1

Jihova, tata! Nzambi iami, nga lengela ko kué; ngi bhulule kua ió oso ala ku ngi kaia, u ngi kudile.

Jisálamu 71:1

Ko kué, u Jihova, ku nga lengela; ku ngehele kukakuka, sonhi ni ji ngi kuate.

Jisálamu 91:2

ua kéla kuma: Jihova dilengelu, kimbaka; Nzambi iami, nga dielela kua muene.

Jisálamu 94:3

U Jihova, tata, mbambe bhebhi bhu suka enhó abhukumuka, ni kusangulukila mu kubhuma kuâ?

Izaía 26:3

Eie, Jihova, uoso ua te muẋima ua tenena kokué, eie ua kà mu bhaka ni kutululuka kua kidi, mukonda muene ua ku dielela eie.

Izaía 28:16

Kala kiki, Jihova dia Ilômbo Ieta uambe, kuma: Talesa, nga xikika ditadi mu Ziione, ditadi di zubha o phata, ditadi diate kiavulu, diene di kuatesa bhu thungi, nga di xikika dia kuata dia kolo; uoso u xikana ka kale ni kisuka.

Izaía 37:10

Ezekiia, sobha ia Juda, mua kà mu ambela kiki: Nzambi iê ka ku tobhese, ki ua mu dielelʼokio, kuila: Jeluzaleme ka tena ku mu bhakula bhu lukuaku lua sobha ia Asídia.

Izaía 37:20

Ki tualʼiki-phe, eie u Jihova, Nzambi ietu, tata, tu kudile ni lukuaku luê; phala mautuminu moso mu ngongo a kʼijiie kuma eiemuene ngó u Ngana.

Izaía 37:35

Mbata eme nga-nda kubhângela mbanza iii, phala ku i kudila, mukonda diami ememuène, ni mukonda ue dia selevende iami Davidi.

Izaía 41:16

Eie ua kà a bhiata muene bhu mbango anga a phephuluka ni kitembu, o kibhungu-phe kia kà a muanga; maji eie-phe ua kà sangulukila mua Jihova, ua kà di-thathela kua Dilemba Dikola dia Izalaiele.

Izaía 49:23

O jisobha a kà ku sasela ana; ana ilumba a jisobha a kala iledi ié; a kà ku diundila jinga ni pholo bhoxi, a kà ku lesa jinga o fufuta ia inama ié, bhene bhu ua-nda kuijidila kuma eme-muène Jihova, oso a ngi dielela eme, ka tena kukakuka.

Jelemiia 17:18

Sonhi ji kuate oso ala ku ngi langata, ki ji ngi kuate-ku eme; a bhuuame ene, ki ngi bhuuameku eme; a bhekele kizuua kia divuua ku thandu diâ nda u a buikise ni kibuika kia luiadi.

Loma 10:11

Kuma o Mikanda Ikôla iambe: Uoso u mu xikana muène, kà ka kuata jisonhi.

Loma 5:5

O kudielela kuku-phe ki ku tu kuatesa jisonhi, mukonda o henda ia Nzambi ia tu nokena mu miẋima mu nguzu ia Nzumbi Ikôla a tu bhana-nê.

I Phetele 2:6

Mukonda a ki soneka mu Mikanda Ikôla, exi: Talesa, eme nga solo ditadi dia te kiavulu, diene nga di xikika kindala mu Ziione mu kukala ditadi di kuatesa bhu thungi ia inzu. Uoso u mu xikana Muène, jisonhi ki ja kà mu kuata.