Jisálamu 25:19 - O Mikanda Ikola

¹⁹ Tongolola o jinguma jami, kuma javulu; a kaka miẋima ni ku ngi zemba ni kizembu kia dikota.

Jisálamu 25:19 ပူးပေါင်းရင်းမြစ်များ

II Samuuele 16:11

Davidi anga u ambela dingi Abisai, ni akua mbèle iê oso, uixi: Talenu: Sumbala monʼami ua ngi tundu moxi, ku miongo iami, ua bhindamena ku ngi bua o muenhu uami, kuambe-phe dingi mukua Bejamí iú, lelu u fula kiebhi ku ki bhanga? Mu ehienu, a xinge, kuma Jihova muene ua mu tumu.

Jisálamu 11:5

Jihova u tungula athu, ni iá a mu xila ni iá a bhumu; uoso-phe ua bhumu, uandala ituxi, muene u di zemba-nê.

Jisálamu 138:7

Né-mbe ngʼenda mu axaxi ka malamba, eie, Ngana, u ngʼinga, ngi laia muene; kuma u tula lukuaku lué ku jinguma ja ngi kala ni njinda, o lukuaku lué lua kúdia, lu ngi bhulula.

Jisálamu 140:1

Ngi kudile, u Jihova, ku muthu uaiibha; ngi tambule kua ió uala kiluami;

Jisálamu 140:11

Muzuedi uaibhʼó, ka kale dingi ni kididi mu ngongo; mukua kusuína, uíndua u mu seia katé kia mu jikinisa.

Jisálamu 140:4

Ngi bhake, u Jihova, maku a kisuéia ka ngi kuate; ngi xitile kua ió ua suína; a ngi kanena muene ku ngi bhana kibhalu.

Jisálamu 143:3

Kuma nguma ia zuididika o muenhu uami, ua ngi xinina muene bhoxi, kala ngi muthu ngʼàfua ukulu.

Jisálamu 18:48

Muene ua ngi kudila ku jinguma jami, ua ngi bhake ditala, ene ka tena-bhu, oso ala ku ngi sota; ua ngi tambula ku kiiala kiasuina.

Jisálamu 27:12

Kana ku ngi bhakula, Ngana, ku jinguma jami ene ni a ngi bhange kioso ka mesena; kuma sai iá a di xikina umbangi ua ku ngi tatela makutu, sai-ku a ngi hamena muene kala iama.

Jisálamu 27:2

Kioso akua phulu, jinguma jami ja ngi kàla ni ufe, ki ejiie phala ku ngi dia xitu, a di bhukana, a di vundu bhoxi.

Jisálamu 38:19

Jinguma jami, a ngi kitukila, a suína; ió a ngi zembe, sé kikuma, avulu.

Jisálamu 38:20

Ni ió akua kubhanga phulu kua mukuâ ua a bhange mbote, a ngi zembe uâ, mukonda eme nga solo kubhanga o mbote.

Jisálamu 52:2

Eie dimi dié di funha usuéia uoso, o kabódio kê mukuâ ni phoko ia bhutu mu kukuama.

Jisálamu 56:2

Enhó a mu ngi kanena ithangana ioso, a bhindamena muene ku ngi dia; mbata avulu muene ala ku ngi sota ni mahanha phala ku ngi lua.

Jisálamu 57:4

Mukonda o muenhu uami ua batukila muʼaxaxi ka jihoje; nga zeka mu kaẋi ka athu a uama túbhia; anʼathu muene edi o mazu kenéne kala jisosa ni matoma, o dimi diâ dia soko ni xibhata iatu.

Jisálamu 86:14

U Nzambi-phe, sai athu a di kaka a ngi balumukina, kibuka kia akua kusuína a ngi balukila, kuma a ngʼindi kúfua; athu eie ka ku bhake ngó ku mesu mâ.

Luka 22:2

O makota ma jinganga, ni asoneki, anga a kala mù sota ndunge ia kujibha Jezú, mukonda ala ni uôma ua mundu.

Luka 23:5

Ene-phe a jiza dingi kiavulu, exi: Muène uala ku balukisa mundu mu Judeia ioso. Uandekela tunde ku Ngalileia, o kiki iú kunu.