Jisálamu 25:14 - O Mikanda Ikola

¹⁴ Ukamba ua Jihova u kala ni akua uoma uê; u a ejidisa kioso ki kala kikutu kiê.

Jisálamu 25:14 ပူးပေါင်းရင်းမြစ်များ

Dimatekenu 17:13

Ni ió a mu vualela monzo, ni ió ua mu sumbu mu kitadi, kikala muene mu a saia; kikutu kiami anga ki di monekena ku xitu ienu, ki kala kikutu ki ngangenena.

Jisabhu 3:32

Kuma Ngana ua di-zemba ni athu abhukumuka, maji o kikutu kiê u ki jituina athu oso aiuka muẋima.

Jelemiia 13:18

Tangela sobha ni na mvuale: Ditulululienu, mu xikame bhoxi; mbata o makembu oso a mítue ienu a sonoka kiá, o kitundu kia kizunda kienu.

Nzuá 14:17

O mundu ki u tena ku mu tambulula, mukonda ka mu mono, ka mu ijiia. Enu-phe mua mu ijiia, mukonda mu xala-nê, u kala moxi dienu.

Nzuá 15:15

Ki ngi mʼixana dingi abhika, kuma mubhika kejiia ioso i bhanga ngana iê. Maji enu nga mʼixana-phe mu makamba, mukonda ima ioso i ngevu kua Tata iami, nga mʼ ijidisa-iu.

Nzuá 17:6

Eme nga tukulula o dijina dié ku athu u ua ngi bhana-nâ mu ʼaxaxe ka mundu. Ene a kexile é, eie ua ngi bhana-nâ. Ene a bhake o maka mé;

Nzuá 7:17

Se muthu u sola kubhanga vondadi ia Nzambi, ió ua-ndu kuijiia ulongelu u nga mu longa, mba ua tundu kua Nzambi, mba nga zuela ngó ima iami ememuène.

I Kolindo 2:14

Kuma o muthu kia kala ngó mukutu ua xitu, ua kambe o Nzumbi ia Nzambi, ka tena kutambulula ima ia Nzumbi ia Nzambi, u tokoka ku i tongolola. Mbata phala muène i mu kala uoua, ka tena ku ijiia, mukonda ima i bhinga a i tongolola mu nzumbi.

Efezo 1:18

Nga mu bhinga phala a jikule o ilunji ienu, a mi tonese o mesu ni mu mone o mukengeji, nda mu ijiie ioso ia tu dielelesa Nzambi mu kixanu kiê. Mbé ni mu ijiie ue kioso kiavulu o jimbongo ja mabesá mê ma tange kubhana o mundu uê,

Efezo 1:9

ua kumbidila kia solele kubhanga, iú ua tu ijidisa o kikanenu kiê kia kasuèkele ki andalele kubhangela mua Kristu.

Matendelelu 4:13

Bhuene bhua mi bhela o kikutu kie-muene, kia mi xindila o kuinhi dia Ijila iu ua mi ambela, uixi: Kumbidilenu-iu, anga muene u i soneka ku mabáia maiadi ma matadi.

Kolose 3:3

Kuma enu muafu kiá, muenhu uenu a u sueka ni Kristu kua Nzambi.

Dijingunuinu 2:17

Uoso uala ni dítui, évue kioso o Nzumbi ia Nzambi kia jimbuila o Jingeleja! Uoso u tolola, ngi mu bhana o maná ia kasuèkele. Ngi mu bhana ue kaditadi kazela, ku kaditadi anga kukala dijina diobhe diosoneke, kana muthu u dʼijiia kikale muène ngó a mu bhana-diu.