Jisálamu 25:13 - O Mikanda Ikola

¹³ Muthu u kala kiki u tunga bhua tululuka; mbutu iê ia vuala iene i lundula ixi.

Jisálamu 25:13 ပူးပေါင်းရင်းမြစ်များ

Jisálamu 112:2

Anʼê a kala mazonda mu ngongo, muiji ua ió emana o mixima nzanza, u zediua.

Jisálamu 31:19

Jimbote jé kuvula kuahi, Ngana! Ji ua lundila oso a ku kala ni uoma; ji u bhanga jinga athu oso a lengela ko kué, bhu pholo muene ia anʼaathu mu ngongo!

Jisálamu 36:8

Musonhi ué-eie, u ikuta ni kúdia kua nete; sai ngiji ia jimbote jé, ku u a bhana kúnua.

Jisálamu 37:11

Oso-phe alenduka, ene a lundula o ixi; A kala ku ngalasa ni kutululuka kuavulu.

Jisálamu 37:22

Kuma oso a a lungisa kuala Jihova, ene a lundula ixi; oso a êlesa kuala Muene, a xikamena ku a batula-bhu.

Jisálamu 37:26

Kumbi dioso u kuatela henda, u bindumuna akuâ atate, o mbutu iê i zediua kiengi.

Jisálamu 37:29

Ixi-phe i xalela ku athu iá aiuka, ene a i lundula, muene mua tunga, o thembu iâ ki ibhu.

Jisálamu 37:34

Kinga kua Jihova, u kuate njila iê; muene u ku zangeleka kulundula ixi; kizuua ki batuka ió abhukumuka, eie u ki mona mesu.

Jisálamu 37:9

Mukonda oso a bhanga ima iaiibha, a xikamena ku a batula bhoxi; oso-phe a kinga Jihova, ene a lundula ixi.

Jisálamu 63:5

Muẋima uami u ikuta jinga kala ngadi xitu ianete ni uôngo; dikanu diami di ku ximana ni mizumbu ia ngalasa,

Jisálamu 69:36

A di tuma ni muene, a xia luvalu lu lundula o mabhata enhó; oso a zola dijina diê, a tunga, a soma, muenhomo.

Jisabhu 1:33

Maji uoso u ngʼividila ki ngi zuela u tunga u soma, kana-ku kia iibha ki mu kuatesa uoma.

Jisabhu 19:23

Uoma ua Nzambi, u bheka muthu ku muenhu; uoso uala-nau u ximbakata, ki bhuala kiaiibha kia bhita-na-kiu.

Jisabhu 20:7

Muthu ua iuka, uendela mu kuiuka kuê, ió kuzediua u ku xila anʼê, muene kia tunda-ku.

Jisabhu 29:25

O kukala ni uoma ua muthu, ki di bhanga mubhetu u fuisa muthu; maji uoso u dielela kua Jihova, uala ditala dia di leka, ka mu tena.

Izaía 65:23

Ene ue ka kà kalakala mu kingoho, ka kà vualela kibuika, kuma ene o mbutu ia athu a a zediuisa kua Jihova, ni luvualu luâ kumoxi ni ene.

Jelemiia 32:39

Anga ngʼa bhana ene oso muẋima umoxi, ni njila imoxi, nʼa ngi kuatela uoma izuua ioso, phala mbote iâ ene ni mbote ia anʼâ, a-nda ku a bhingana.

Sofoniia 3:17

O Jihova, Nzambi ié, uala muʼaxaxi ké, u ku bhulula ni kutena kuê, Muene ue u kala jinga mu sangulukila momué-eie; u batama jinga mu henda iê ia ku kuatela kizuua ni kizuua, u tana jinga momué ni ngalasa iavulu, kala mu izuua ia fesa.

Zakadiia 9:17

Mukonda muene o jihenda jê jivula! O kuiuka kuê kuahi ngó! Minzangala ia mala ia ka tambula nguzu mukonda dia tiluku, o anʼa ilumba mukonda dia vinhu ia uisu.

Matesu 5:5

A zediua alenduka, ene a lundula ixi.

Jipoxolo 2:39

Kuma o kizuelu kiê kia bhana, kia mi tokala enu, ni anʼ enu, ni oso ala ku makanga, oso kiá a kà exana kuala Nzambi, Ngana ietu.

Matendelelu 33:12

Kia tanga Bejamí, uixi: Kazola kangene ka Jihova, ua-nda kutunga-nê bhua kondama. Kumbi dioso dia kambàmba, unanga ni ku mu vungina; muene anga ubutama bhuʼaxaxi ka isuxi iâ.

Filipe 4:19

O Nzambi iami ue, u mi dikila enu mu kubhindama kuoso ku mu kala na-ku, kala kia fuama mu jinzungule jê mu fuma mua Jezú Kristu.

I Phetele 3:10

Kuma o Mikanda Ikôla iambe, iexi: Muthu uebhi uendi u kola muenhu, nʼa mone izuua ia mbote, dimi diê ka di ehele ku phulu, o mizumbu iê ki i tange makutu.

II Phetele 3:13

Maji etu-phe, tua kinga, uila kia bhana Nzambi muène o kizuelu, maúlu mʼobhe, ni oxi iʼobhe, muà tunga ubatuilu ua kuiuka.