Jisálamu 25:12 - O Mikanda Ikola

¹² Muthu uebhi uene ni uoma ua Jihova? Muenhó Jihova u mu longa njila ia fuama kusola.

Jisálamu 25:12 ပူးပေါင်းရင်းမြစ်များ

Dimatekenu 26:2

Jihova anga u mu tukulukila, u mu ambela, uixi: Kana kukulumuka mu Ijito, maji u tunga mu ixi ioso i ngi ku idikiza.

Jisálamu 111:10

O kukala ni uoma ua Nzambi, muene muijiia unjimu; ene oso a mu tumaka, a kala muene ni kilunji kiambote, o diximanu diê dia kalʼê, katé ku hádia ni hádia.

Jisálamu 32:8

Ngi ku longesa, ngi ku idikiza njila ioso i ua fuama kuila; ngi ku bhana kaiula, kuma nga ku te muene diesu.

Jisálamu 37:23

Makànda ma muthu uambote Jihova u a tambula konda; uendelu uê u mu uabhela.

Makatukilu 4:15

Eie-phe ua kà zuela ni muene, u mu ta maka mu kanu diê; eme-phe ngi kala ni dikanu dié, ni dikanu dia muene, anga ngʼenda ni ku mi longesa ioso i mu bhanga.

Jisabhu 1:7

Uoma ua Jihova diene o dimatekenu dia unjimu. Maji o iôua-phe a dituna o kuijiia kua unjimu ni ulongelu.

Jisabhu 15:33

Uoma ua Jihova kiene o kikômbo ki bheka o unjimu; uinda o kijingo u dianga kubatama.

Jisabhu 16:6

Bhuala o henda anga bhu kala ue o kidi, kituxi ki jima; maji athu kuebha o ituxi, ki kale ngó ku uoma ua Jihova.

Jisabhu 2:5

eie-phe ua-nda kuijiia uoma ua Jihova, anga u dʼijiia kiambote ni Nzambi.

Jisabhu 2:9

Bhenhobho-phe eie ua-nda kuijiia kioso ki kala o kuiuka, ni ki kala o kilunji, ni ki kala o kufundisa kua kidi; ni jinjila joso ja fuama.

Ndongixi 12:13

Ku ioso i uene mu kuívua, zubhilu diê dienhidi: Xila Nzambi, u aluke o ijila iê, mukonda kiene kia fuama athu oso ku ki bhanga.

Izaía 35:8

Anga mua kà jikuka o kikoka ni njila, a kà ʼixana Njila Ikôla kifusa ka kà tena ku bhita-mu, maji ia kà kala ngó phala o mundu uê; o jingenji né-mbé kiá ioua, se a i tondala, vondadi iâ.

Izaía 50:10

Mukuahi mudienu uambe kuxila Jihova, ni kusuua dízui dia selevende iê? Muenhó se uala kubhita bhua vundu, anga bhu kamba ngó ni kamukengeji, a dielele mu dijina dia Jihova, a kuatenene kua Nzambi iê.

Nzuá 7:17

Se muthu u sola kubhanga vondadi ia Nzambi, ió ua-ndu kuijiia ulongelu u nga mu longa, mba ua tundu kua Nzambi, mba nga zuela ngó ima iami ememuène.

Jipoxolo 10:2

Muène mubhezi, muthu ua ujitu, u xila Nzambi ni dibhata diê dioso. Mukua kubhana jimola javulu mu kukuatekesa o Jijudé, oso ala jingadiama, ni kusambela jinga Nzambi.

Jipoxolo 10:22

Ene a vutula, exi: Kabhitangu Koloneliu muene ua tu tumu. Muène mubhezi a Nzambi, muthu uaiuka, u xila Nzambi, a mu tumbula ue kiambote kuala akua ʼxi ioso ia Jijudé. A mu longesa kuala anju ia Ngana, o ku ku tuma eie kuiza ku onzo iê, eie u mu tangele maka.

Jipoxolo 11:14

Muène u ku tangela o maka ma ku bhekela kubhuluka, ni eiemuène ni dibhata diê dioso.

Jipoxolo 13:26

Phaulu anga u zuela dingi, uixi: Enu phange jami, mu ana kixina kia Mbalahamu, ni enu oso ki mu Jijudé maji mua xila Nzambi, makʼ ama ma kubhuluka ma tu kane etu-ene oso.

Josuué 3:4

Inda-phe, mu xia-bhu dikanga bhu kaẋi kʼenu ni álaka, midi jiiadi ja kóvadu, mu di zonga muene; kana ku i zukama dingi, nda muijiie njila ioso i muila; mukonda mumu mu mua-nda kuila kiluua ngó mu bhita-mu.

I Nzuá 2:27

Maji enu-phe Kristu ua mi lunduluila o Nzumbi Ikôla ku thandu dienu. Kiosuʼiki ió mua mu tambula kua muène ua tungu moxi dienu, ki mua bhingi dingi muthu ku mi longa. Mukonda o Nzumbi Ikôla muène u longa mu ima ioso, kuma muène o kulonga kuê kua kidi ki kua makutu, kana. Kala kiki, kioso kiá kia mi longo o Nzumbi Ikôla, ʼkiene ki mu kuata, mu jijile o kudiongeka ni Kristu.

I Samuuele 9:6

Mukua-mbèle anga u mu ambela, uixi: Talesa-ze bhu bhata bhabha bhuala mukua Nzambi, muthu a mu kala ni ujitu uavulu; muene kioso kia tanga ki ki kambe kubhita; tuie-bhu hanji, imoxi muene u tu ambela ioso njila ietu ia tokala i tu kuata.