Jisálamu 25:10 - O Mikanda Ikola

¹⁰ Jinjila ja Jihova jene joso ja henda ni kidi; muene u di tuma ni ió oso a kuata kikutu kiê ni maumbangi mê.

Jisálamu 25:10 ပူးပေါင်းရင်းမြစ်များ

Dimatekenu 17:1

Mbalamu kia kala kiá mu makuinhiʼvua a muvu nʼivua, Jihova u tukulukila Mbalamu, u mu ambela, uixi; Eme ngi Nzambi, Muteni-a-Ioso; enda jinga bhu pholo iami, u kale u muthu ua tenena.

Dimatekenu 24:27

Uixi: A tane-ku! Jihova, Nzambi ia muadiʼami Mbalahamau, ka zúmbuka ku henda iê ni kidi kiê iedikiza jinga muadiʼami; eme bhabha Jihova ua ngendesa muene mu njila mu ngejila, iú ua ngi bheka bhu bhata dia ji-phange ja ngana iami.

Dimatekenu 5:24

Enoko anga uenda ni Nzambi, anga ku mesu a athu u jimuka-ku, kuma Nzambi ua mu ambata.

II Samuuele 15:20

Kuma eie mazá ueza, kifua lelu ki tokala ngi ku bheka dingi mu bungana ni etu, eme mueneʼami ku nga mu kuila manhí? Vutuka eie muene, ni jiphange jé vutuka-nâ kumoxi; ni kiadi-phe ni kidi ki kale bhuoso bhu uala.

Jisálamu 138:7

Né-mbe ngʼenda mu axaxi ka malamba, eie, Ngana, u ngʼinga, ngi laia muene; kuma u tula lukuaku lué ku jinguma ja ngi kala ni njinda, o lukuaku lué lua kúdia, lu ngi bhulula.

Jisálamu 33:4

Kuma kizuelu kia Jihova kia kufidila; kukalakala kuê kuoso kua ufiiele.

Jisálamu 40:11

Eie ue, u Jihova, ku fule ku ngi ta muẋima ni jihenda jé; o kiadi kié ki ngi kale ku mbandu joso, ni kidi kié.

Jisálamu 50:23

Uoso u ngi satela sata ia kusakidila, muene muthu ua ngi bhange ujitu; uoso ue u iukisa uendelu uê, muene ngi mu idikiza o ubhulukilu ua Nzambi.

Jisálamu 57:3

Muene ku diulu u katula uzonda ua ku ngi bhulula mu lusebu, mua ngi bhake ió uandala o ku ngi dia. (Selah.) Nzambi u ngi tumikisa muene o henda iê ni kidi kiê.

Jisálamu 85:10

Ni henda ni kidi a takana kumoxi; o kuiuka ni kutululuka a di bhubhala hé a di nzobola.

Jisálamu 89:14

Ni kufundixa kua kidi ni kutetuluka kua ku fikidila o kiandu kié; ni kulenduka ni kidi a ku tuamenena kuoso-kuoso ku u di tela.

Jisálamu 91:14

Mukonda ua ngi naminina ni henda, eme-phe, ngi mu kudila; ngi mu tudika ditala, ka mu tena, mukonda ua ngʼijiia o dijina.

Jisálamu 98:3

Ua xinganeka o henda iê ni kidi kiê, mu kutambula konda ia dibhata dia Izalaiele; katé ku maẋokololo a jixi, uzonda ua Nzambi ietu a u mono.

Izaía 25:1

Jihova, Tata, eie muene u Nzambi iami; ngi ku zangeleka muene, o dijina dié ngi di ximana jinga, mukonda ua bhange madiuanu; ima i ua tanga, mʼukulu kidi, iakuata, iakolo.

Izaía 43:2

Kioso ki ua kà bhita mu menha mua zongo, tuà kala kiiadi; kioso ki uà bhita mu jingiji, kua-nda ku boba; ki uà kà bhita mu túbhia, kua-nda kujikata; o mulengo ki ua kà tena ku kuata kokué.

Hozeia 14:9

Mukuaʼhi uala ni kuijiia, nʼa tongolola ima iii? Nanhi muene uala njimu, ima iii na tena ku i ijiia? Mbata o jinjila ja Jihova ja iuka, athu ambote muene mua kala mu kuendela, maji akua kutondala-phe muenhumu a sanga-mu ibhalu.

Sofoniia 2:3

Sotenu Jihova enu oso mua batama miẋima, muala mu ngongo, muene mu ku kaiela o mabatuilu mê; Sotenu kubhanga o mbote, Sotenu o kulenduka ni kubatama, sumba bhu kizuua kia njinda iê, Jihova u mi sueka.

Nzuá 1:14

O Diambu anga u di bhanga xitu, anga u tunga mu ʼaxaxi ketu, uezala kiadi ni kidi. Etu anga tu mona o unène uê, unène kala ua Mona umoxièlele ua Nzambi.

Nzuá 1:17

Mbata o Kitumu a ki bhelele kua Mozé, o kiadi-phe ni kidi, kiejila kua Jezú Kristu.

Jipoxolo 10:35

Maji ku akua jixi joso, uoso u mu xila muène, hé u bhanga ioso iaiuka, Muène u mu tambulula.

Loma 2:13

Kuma oso evui a Kitumu, ki ene a lunga kua Nzambi; maji oso atumaka, a bhanga kia tumu o Kitumu, ene a lunga.

Loma 8:28

Kuma tua kʼ ijiia kuila mu ima ioso Nzambi u kalakala mu kubhanga o mbote kua iá oso a mu zola, oso kiá a exana mu vondadi ia muène.

Jihebeleu 12:14

Sotenu kukala ku paze ni athu oso, mu kolokote mu kukala ni muenhu uazele, kuma uoso ua kambe kuzela ka tena kumona Ngana.

Tiiaku 5:11

Talesenu kuma etu tua a mono kuzediua, mukonda dia kukolokota kuâ. O kukolokota kua Jobe mua ku ivua, muejiia ue o disukilu diê kioso Nzambi kia mu zediuisa. Mbata o Ngana ua vula o kukuatela henda ni kulendukila.