Jisálamu 22:31 - O Mikanda Ikola

³¹ A kala mu tumbula o kukumbidila kuê, phala athu kiluua a a vuala a kʼivue, kuma kiene kia bhanga jingʼiki.

Jisálamu 22:31 ပူးပေါင်းရင်းမြစ်များ

Jisálamu 102:18

Kima kiki kia bhingi ku ki soneka, phala ki xale musêndu ku alulu ni ku alaula; athu kiluua ngó a a bhanga, hádia a ximana Jihova.

Jisálamu 40:9

Nga bhana jingolokela ja mabatuilu mé ma kuiuka bhu kionge kia mundu uavulu; ki nga xikina kudixibha, ni kujika dikanu diami, eie-muène, Ngana, u Jihova, ua kʼijiia.

Jisálamu 78:6

Mbé o muiji ua bhingana-ku a ijiie, ni ana oso a-nda ku a vuala, hinu kia kula nʼa tangele dingi ue anʼâ.

Jisálamu 86:9

Mbutu joso jʼathu, eie-muène ua a bhanga, hádia a kèza kubheza bhu pholo ié, u Ngana; a kà jingisa o dijina dié.

Izaía 53:10

Maji kiene-phe kia uabhelele Jihova, o ku mu tutujula ni ku mu katesa; kioso o muenhu uê kia u bhanga kiamenga kia kituxi, muene ua-nda kumona o mbutu iê, ua-nda kuvula izuua ia kulaia, o kioso kia uabhela Jihova, kia kà Zediuila bhu lukuaku luê.

Izaía 54:1

Tana-ku eie u mbaku ua kambe kuvuala; imba, u dikole, u te nzôngo, eie kiluua uívua mika; kuma anʼa kisula kota mu kuvula, uala ni munumiʼê ndenge, kiene kia zuela Jihova.

Izaía 60:4

Bhetula mesu mé ku mbandu joso u mone: ene-oso ia di bhongolola mu kuiza kokué, o anʼé a mala a-nda kutunda ku makanga, o anʼé ue a ahatu a-nda ku a sasela bhu mbandu ié.

Loma 1:17

Kuma o Njimbu Iambote iene ia tu idikisa kioso Nzambi kia tu xikina, etu tua lungila mu kuxikana; kuma mu kuxikana ngó mu tu lungila. Kala kia ki soneka mu Mikanda Ikôla exi: Uoso a mu xikina kua Nzambi mu kuxikana, ió u laia.

II Kolindo 5:21

Kristu kia kexi, ka moneka kituxi, maji Nzambi ua mu tambuisa mbandu ku ituxi ietu, phala etu, mu kisangela ni Muène, tu tambule uetu mbandu mu kulûnga kua Nzambi.