Jisálamu 22:29 - O Mikanda Ikola

²⁹ Ni iá anete mu ngongo, a kà dia anga a bheza; ni ió oso a tunuka kiá mu mavu, a kà diunda bhu pholo iê, katé ni ió kua mu kambe ngó kuzubha, nʼeha muenhu uê.

Jisálamu 22:29 ပူးပေါင်းရင်းမြစ်များ

Jisálamu 113:7

Ngadiama u mu zangula, ua mu sange ua fufuka ni mvindu; phulungu u mu zangeleka, ua mu katula bhu dixita.

Jisálamu 45:12

Kilumba, mukua Tilo, u mu mone kia-nda kuiza ku ku bhakuila maujitu; o jimonhi ja makota ku mundu, ji ku dionda ku a suua.

Jisálamu 73:7

Mesuʼâ a tundu mu mútue mukonda dia kuneta; a fika nzungule ia imbamba ia ku di kaka mu miẋima iâ.

Jisálamu 78:31

Njinda ia Nzambi ia a kuata, ni iá a disanze muene kiambote ia afua, minzangala ia Izalaiele ia a buila.

Izaía 10:16

Kala kiki, O Ngana, Jihova dia Ilômbo Ieta, ua kà bheka dibhèlu kua oso a nete muʼaxaxi kâ, o bhoxi dia kizunda kiâ ua kà uikabhu túbhia kala kitumba kia uama.

Izaía 26:19

O athuʼé, àfua, a kʼèza dingi ku muenhu; o athuʼé àia kalunga-ka-mbala-maminhu, a kà fukunuka. Phaphumukenu, mu tane ni kusanguluka enu muà tunga mu fufutila; Kuma o dimume dié dila kala mume dia isasa ia uisu; ni oxi iene ia kà lukula madifundu ma bhakele.

Izaía 29:4

Bhenhobho a kà ku lundumuna, u kuata kuzuelela koxi a mavu, uzuelelu ué utunda ku mavu ni kuloxalala; dízui dié diene dia-nda kuila kala dia mukua-uanga, dia mu tokomoka mu fufuta.

Izaía 45:23

Nga di-lokela mu dijina diami eme-muène; kizuela kia kidi kia tundu mu kanu diami, kizuelu kiami ki ki vutuka kuema, kuma ki di kumbidila muene; uila kiki, ngedi: Phuna joso ja kà ngi fukamena muene, o madimi moso ma kà ngi fisala mu kuloka.

Izaía 60:16

Eie ua-nda kuámua o lete ia akua jixi, anga u di-dikila ni ima i tunda ku mele ma jisobha; anga u kʼijiia kiambote kuma eme ngi Jihova ngi Mubhuludi ué, Mukudi ué, muene Dizonda dia Jakobo.

Hozeia 13:9

Ua di bhange-kiu-ze, eie Izalaiele, ki ua ngi kitukila emeʼokio, eie ua ngi balukila eme ngi Mukuatekexi ué.

Obadiia 1:21

O ku mulundu ua Ziione kua kà banda abhuludi phala kufundisa o mulundu ua Ezaú; o utuminu-phe ua kà kala ua ngene ua Jihova.

Nzuá 3:36

Kala kiki, uoso ua xikana o Mona, uala ni muenhu ki uábhua. Maji uoso ka xikana o Mona, ka kà mona muenhu, kikale o njinda ia Nzambi i xala ku thandu diê katé ku hádia ni hádia.

Filipe 2:10

Uila kiki, mu kujingisa o dijina dia Jezú, ene oso a di fukamena, kixi ió ala mu diulu, kixi ala mu ngongo, kixi ala koxi a mavu mu ʼalunga.

Dijingunuinu 21:24

Akua jixi joso, a kʼènda muʼaxaxe ka mukengeji uê, o jisobha mu ngongo ja kà bheka-mu o matunda mâ.