Jisálamu 22:28 - O Mikanda Ikola

²⁸ Kuma ungana uangene ua Jihova; muene ua tokala ku tumina akua jixi joso.

Jisálamu 22:28 ပူးပေါင်းရင်းမြစ်များ

Jisálamu 86:9

Mbutu joso jʼathu, eie-muène ua a bhanga, hádia a kèza kubheza bhu pholo ié, u Ngana; a kà jingisa o dijina dié.

Izaía 2:2

Anga kia kà bhita-phe kuila: Mu izuua ia kà sukidila-ku, o mulundu kua tungu o inzu ia Jihova, ua kà beta kuzangalala o milundu ioso ni tumilundu tuofele, ndenge; o ifuẋi ia jixi joso ia kà lengela kué muene.

Izaía 45:22

Talenu kokuami, nda mu bhuluke, enu mu masukilu oso kua sukaʼxi; mbata eme-muène ngi Nzambi, ki kuene nzambi iengi.

Izaía 66:23

Hé kima-phe, tundé kimoneka o mbeje katé kia kà moneka ia mukuá, tundé kia sabhalu katé sabhalu ia mukuá ni kuiza mu bheza bhu pholo iami, eme ngi Jihova.

Daniiele 7:14

Anga a mu bhana o kutumina, ni kijingo, ni ungana, phala miji ioso, ni ifuẋi, ni madimi moso ende ni ku mu bhikila muene. O kutumina kuê kua miaka, ku kuene dizubhilu, o ungana uê uene ngó, ka tena ku u bhuisa-ku.

Obadiia 1:21

O ku mulundu ua Ziione kua kà banda abhuludi phala kufundisa o mulundu ua Ezaú; o utuminu-phe ua kà kala ua ngene ua Jihova.

Sofoniia 2:11

Jihova ua kà a lungulukila, o jinzambi joso ja mu ngongo anga u ji jikinisa; akua jixi ene oso a kʼèza kua Muene ku mu bheza, tunde mu ididi iâ ni miji ioso mu ikolo.

Zakadiia 14:9

Jihova muene ua kà kala Sobha mu ngongo ioso. Bhu kizuuʼokio-phe, Ngana ia kà kala imoxi ngó ni dijina diê dimoxi ngó.

Matesu 6:13

Ku tu ehele kudibhala mu kudianguka, maji tu kudile ku Dimonho; mbata ungana ué Eʼ muène, ni nguzu, ni fuma sè dizubhilu. Amén.

Dijingunuinu 11:15

Anju ia kasambuadi anga u xika o koloneta iê. Hé kukala mazui a makota mu diulu, exi: Kiki o Utuminu ua jixi mu ngongo, ua biluka Utuminu ua Ngana ietu, ni ua Kristu iê. Muène kiá ua kà tumina katé ku hàdia ni hàdia!