Jisálamu 22:26 - O Mikanda Ikola

²⁶ Akua ujitu a kà dia muene ku fesa, anga ekuta; oso ene kusota Jihova, a mu ximane; tanenu-ku, o miẋima ienu i di sanze katé ku hadia!

Jisálamu 22:26 ပူးပေါင်းရင်းမြစ်များ

I Malunda 29:10

Mukonda dia kiki, Davidi kia mu bhekela kuximana Nzambi bhu pholo ia kionge kioso, uixi: Tana-ku, eie u Jihova Nzambi ia tatʼ etu Jakobo, ku mivu ni minginda!

Jisálamu 107:9

Kuma o muẋima ua dinhota, u u bhanga o jivondadi; o muẋima ua nzala, u u ikutisa ni ima iambote.

Jisálamu 116:14

Ngi futa jipolomesa jami, ji nga plometela kua Jihova, ngi ki bhanga muene bhu pholo ia mundu uê uoso.

Jisálamu 116:18

Ngi futa jinga jiplomesa jami, ji nga polometela kua Jihova, ngi ki bhanga muene bhu pholo ia mundu uê uoso;

Jisálamu 40:10

Mbote ié, ki nga i sueka ngó mu muẋima uami, lémbua! o henda ié ni kidi kiê ki nga i dingi, kana, kuila o mundu ua kionge kiadikota a kamba ku i ijiia.

Jisálamu 40:16

Oso-phe ala ku ku kana eie a sanguluke, a kale jinge mu kutanena momué; oso a zola o kubhuluka ku tunda ko kué, a kale mu kuila jinga: Jihova ukôla.

Jisálamu 50:14

Kota u satela Nzambi sata ia kusakidila; kumbidila kioso ki ua tange kubhana kua Suke-ku.

Jisálamu 69:32

Abelesela a kà ki mona, hé ki kala kia kutana; enu muala kuinda Nzambi, muẋima uenu u suíne dingi.

Izaía 25:6

O Jihova dia Ilombo, mundu uoso ua-nda ku u bhangela kizokola ku mulundu kuenhuku, ni iama ia nete; kizokola kia vinhu ia kenzuluka, ni malonga a uôngo ua ifuba, ni vinhu ia iuka ia kenzuluka kiambote.

Izaía 65:13

Kala kiki, Jihova Nzambi, uixi: Talesa, jiselevende jami a kà kala mu kudia, enu-phe mua kà tala hadi ni nzala; talesa, jiselevende jami a kà nuá, maji enu-phe mua kà kala ni dinhota: talesa jiselevende jami ja kʼènda ni kutana, maji enu-phe sonhi ja kà mi kuata;

Jona 2:10

Kienhokio-phe Ngana u zuelela o mbiji, iene hé iia i lusila Jona ku ndundu ia kalunga ku kanga.

Nzuá 4:14

Maji uoso u nua o menha mu ngi mu bhana, nuka a kala dingi ni dinhota. Mukonda menha mu ngi mu bhana, ma-ndu biluka fixi moxi diê, i fuáfua menha ma kalelà-ku ndú ku muenhu ki uábhua.