Jisálamu 22:25 - O Mikanda Ikola

²⁵ Eie-muène nga ku te thâthe bhu pholo ia athu avulu; kioso ki nga loko, ngi ki kumbidila bhu pholo ia akua uôma ué.

Jisálamu 22:25 ပူးပေါင်းရင်းမြစ်များ

Jisálamu 111:1

Haleluia! Ngi ximana Jihova ni muẋima uami uoso, bhu kionge kia athu, ni bhua bhongoloka o mundu.

Jisálamu 22:22

Kienhókio, ngi tumbula-phe o dijina dié ku jiphange jami; ngi ku ximana bhu kionge bhua bhongoloka o mundu.

Jisálamu 35:18

Phala ngi ku ximane mu kionge kia dikota; ngi ku sakidile bhua bhongoloka o mundu uavulu.

Jisálamu 56:12

Ioso i nga di hambelela ko kué, Ngana Nzambi, eme nga-nda ku i kumbidila muene; ngi ku bhakuila ni maujitu ma kusakidila.

Jisálamu 65:1

Jiphèmbele ja ku xikamena mu Ziione, Ngana Nzambi; jipolomesa ji tokala a ji kumbidila ko kué.

Jisálamu 66:13

O ki ngalʼiki, ngi bhixila mʼonzo ié ni jisata ja kuoha; ngi bhana muene kioso ki nga di hambelela kokué.

Jisálamu 66:16

Zenu, mu ivue, enu oso muene mu ẋila Nzambi, ngi mi jimbuile kioso muene, kia bhanga, mù kudila o muenhu uami.