Jisálamu 22:15 - O Mikanda Ikola

¹⁵ Bhu xingu bhua ngi kukuta kala kimènga kia mavu; dimi dia ngi naminina ku jinganzuánzua; ua ngi takuila mu fufutila ia mavu a kalunga.

Jisálamu 22:15 ပူးပေါင်းရင်းမြစ်များ

Dimatekenu 18:27

Mbalahamu anga u kumbulula dingi, uixi: Ua ngi mono nga bhumu kiá kuzuela ni Ngana, eme muene ngi mavu ngi fufutila.

Dimatekenu 3:19

ku suualu ia pholo ié kuene ku ua kà dia o mbolo ié, katé ki ua kà vutuka ku mavu; mukonda kuene ku ua tundile; kuma eie uala u mavu, ku mavu kuene ku ua kà vutukila.

II Samuuele 14:14

Kuma etu oso tua bhingi kúfua, tua di fuangana ni menha kia ẋamuka bhoxi ka xikina dingi ku a omona. Nzambi ue kene kuandala muenhu u di bota; maji u sunga ilunji, phala muthu uê ua mu balakala kendelele.

Jobe 10:9

Nga ku diondo, xinganeka kuma eie ua ngi bhange kala mavu; kindalʼiki uandala kiá ku ngi kitula ngi fufuta?

Jobe 19:20

O ifuba iami ia naminina kiá ku kikonda kiami ni ku xitu iami; nga subhuka kiá ngó ni kikonda kia mazu, kuabhu.

Jobe 29:10

athu òʼnéne, mbimbi iâ ia kexi mu ku sukamena, dimi diâ di a kukuta mu kanu.

Jobe 30:16

O kiki, muenhu uami ua mu ngi zunzumuka moxi, izuua ia dilamba ia ngi kondo!

Jobe 34:15

xitu ioso ieje kúfua, muthu-phe ueje ku vutukila ku fufutila.

Jobe 7:21

Phalaʼhi, kutondala kuami eie ngué ku ku loloka? kikuma kiami ngué ku ki katula? Kindala-phe nga-nda kuzekaʼmi kiá ku mavu, mu kimene ki u ngi sota, eme ki nga-nda ku kala-ku dingi.

Jisálamu 104:29

Ki u sueka pholo ié, a tata; ki ua a tambula o kubhuima, afua; kindala a biluka mavu.

Jisálamu 30:9

Eie, Ngana, u katula-ku ihi se eme nga fu, o muenhu uami ni u di boto mu dikungu? Manhi, o mavu, a tena dingi ku ku ximana? Mavu a tena dingi kutanga o kukumbidila kué?

Jisálamu 38:10

Miẋima iami iala ku ngi titila, o mu mukutu nguzu nga i lémbua; o mesu a ngi kala ni kavunda, ki ngala kumona dingi.

Jisálamu 69:21

Kúdia kuami a ngi bhana ndululu; kia ngi kuata o dinhota, a ngi nuisa mvindangele.

Jisálamu 69:3

Nguzu ia ngi bhu ni kudikola; o bhu xingu bhua ngi kukuta, ni bhene thokón! mesu ami kala kumona dingi kiambote, ngʼandeka okulu ni kubhinga Nzambi iami.

Jisabhu 17:22

Muẋima ua sanguluka, u di bhanga milongo ia mbote mu mukutu ua muthu; maji o muẋima-phe ua budika ni dilamba, u kukutisa ifuba.

Izaía 53:12

Mukonda dia kiki, nga-nda ku mu katuila dikânda diê ku athu a vulu, sumbala muene ua-nda kuuana o madibhundila kumoxi ni mazonda; mbata ua lundulula o muenhu uê muʼalunga, a mu bundile kumoxi ni ifumbe; maji muene ua di tuika o ituxi ia athu avulu; iú uala kudiondela akua-ituxi.

Kuditenda 4:4

O dimi dia mona bhu maku, dia kokotela mu kanu mbebhu o dinhota; Tumbonga kia bhinga o kúdia, ki bhuala u a bhana-ku.

Daniiele 12:2

Ndumba ia athu ió aia ku kilu mu fufuta ia mavu ma ʼxi, a kà fukunuka, amoxi a kʼàia ku muenhu ki uàbhua, amukuá a kʼàia ku kididi kia phaxi, kuà kala o sonhi ni lusebu lu nangenena.

Matesu 27:50

Jezú anga u di kola dingi luamukuá ni dízui dia suina, anga u zubha muenhu uê.

Nzuá 19:28

Kia bhiti kiki, Jezú kuma ua mono ima ioso ia tenena kiá, mu kubhitisa o maka mòsoneke mu Mikanda ia Ngana, uixi: Ngala ni dinhota!

I Kolindo 15:3

Kuma o kima kia kate-ku, ki nga tambulula eme uami, ki nga tuamene ku mi tambuisa-kiu, kienʼ iki: Kuila Kristu ua fuidile o ituxi ietu kala kia ki soneka mu Mikanda Ikôla.