Jisálamu 22:14 - O Mikanda Ikola

¹⁴ Nga ẋamuka kala menha, ifuba iami ioso ia ngi sokomoka; muẋima moxi ua ngi botomoka, ua sengumuka muene kala sela.

Jisálamu 22:14 ပူးပေါင်းရင်းမြစ်များ

Jobe 16:10

Athu a ngi bhanena muene mu kanu, a ngi sebulula ni ku ngi bhana jihuxi ku matama; eneʼoso a di bhongolola mu kuzoka nʼeme.

Jobe 23:16

Mukonda o Nzambi ua botomokesa muẋima uami, o Muteni-a-Ioso muene ua ngi kuatesa uoma.

Jobe 30:16

O kiki, muenhu uami ua mu ngi zunzumuka moxi, izuua ia dilamba ia ngi kondo!

Jisálamu 22:17

ifuba iami ioso i xikina muene ku i tanga! Ene-phe ia a ngi tala, ala ku ngi toka mesu.

Jisálamu 31:10

Kuma o muenhu uami uala kubhuila mu mukondo, o mivu iami i ibhua ngó ni kukema; nguzu ia ngi bhu ni kuteketa, kingumba o malamba; mukonda dia kutondala kuami, ifuba ia ngi sokomoka.

Jisálamu 35:21

A bhana muene mu kanu ni ku ngonesa, exi: Euá! euá! Etu tua ki mono muene ni mesuʼetu. U diuana!

Jisálamu 68:2

Mukuâ ni dixi kia di kaia kuala o kitembu, ene ue a a kaie; mukuâ ni sela ki i sangumuka ku túbhia, kiene ue isuéia i buile bhu pholo ia Nzambi.

Kuditenda 3:46

Nguma jetu joso ja bhâne makanu ni ku tu lebhula.

Daniiele 5:6

Anga kienhokio pholo ia sobha ikituluka, ilunji ia mu tandanganha katé ni miongo ia mu botomoka, jiphuna jiteketa, ji di-ṗhuṗha-ṗhuṗha bhuamoxi.

Nahumu 2:10

Ninive ia xala ngó, loló! A i bhûndu, a i nhana, a i muanga-muanga, la di bhange ngundu muene! Muẋima ua botomoka, o jiphuna ji ji di beta-beta, mu miongo ioso muezala misusu, o jipholo jene joso ja kakuka, ja lombo.

Matesu 26:38

Anga ua ambela ene, uixi: Muẋima ua ngi kala kiavulu ni malamba, bhulu-bhulu dia kùfua. Xalenu bhabha, mu ngi langidise.

Luka 22:44

Malamba mê anga u kumbama na-u, anga u samba dingi ni nguzu. O suualu iê anga i biluka kala matoxi ma makota ma manhinga, ma-la kuenda ni kumbomba bhoxi.]

Nzuá 12:27

Jezú uixi dingi: Muẋima ua ngi kenanana! Ngʼ ila kiebhi? Tata, ngi bhulule, kumbi didi ki di ngi tule? Kana! Kiene muene kia ngi bheka, eme nga bhixila bhu kumbi dienhidi.

Josuué 7:5

Akua Hai anga a jibha-bhu mba makuinhi atatu a muthu ni kisamanu, anga a a bhesa lusolo, tunde bhu muelu ua kimbaka kiâ, katé bhu Xebadimi bhene kubula o matadi, anga enda ni ku a beta dingi kioso kia mu kulumuka o mulundu ni kulenga. O miẋima ia kifuẋi anga i botomoka, i kala kala menha.