Jisálamu 21:3 - O Mikanda Ikola

³ Kuma eie ua mu kauidila ni madibesá ni mahitula; ua mu zuika kitundu kia ulu ua fina ku mútue.

Jisálamu 21:3 ပူးပေါင်းရင်းမြစ်များ

II Samuuele 12:30

Anga u tambula o kitundu ku mútue ua sobha iâ; ki pezala talendu ia ulu, a sokejeka-ku matadi ma te kitadi kiavulu; anga a ki ta ku mútue ua Davidi. Anga mu mbongeʼ omo ambata-mu ima iavulu ia kubhunda.

II Samuuele 2:4

Akua Juda anga eza bhenhobho, a unda Davidi mu kala sobha ia muiji uâ ua Juda. Davidi anga a mu kunda, exi: Akua Jabezi-Ngiliiade ene a fûnda Saúlo.

II Samuuele 5:3

Kienhiki adiakimi oso a Izalaiele anga eza kua muenexi bhu Hebolone, muenexi Davidi anga u ta-nâ kikutu bhu Hebolone bhu pholo ia Jihova; Davidi anga a mu unda ku ungana ua Izalaiele.

I Malunda 20:2

Davidi anga u katula o kitundu ku mútue ua sobha ia Labá, hé u sanga kuila kiala ni kinemenu kia talendu imoxi ia ulu, kia kexile ue ni matadi ma-te kiavulu. Anga a ki-ta ku mútue ua Davidi; mu mbonge anga uambata-mu madibhudila avulu.

II Malunda 6:41

Balumuka-phe kiá kindala, Ngana Nzambi, u bokone mu kibuta kié, nʼEie ni álaka ia kusuina kué; o jinganga jé, Ngana Nzambi, a a zuike ubhulukilu, o athuʼê a ngene a sanguluke ni mbote.

Jobe 41:11

Nanhi ua dianga ku ngi bhana, phala eme ni ngi mu vutuile? Mbata o ima iene ioso iala bhoxi dia maúlu, iami eme-muène.

Jisálamu 18:18

Kuma ene a ngi tuuama mu kizuua kiami kia uíndua; maji Jihova-phe muene ua ngi bande.

Jisálamu 20:5

Etu tu kola kikóue mu kumona ubhulukilu uê; mu dijina dia Nzambi ietu, jibandela ji bhekela; Jihova a ku bhese iene ioso i u mu bhinga.

Jisálamu 31:19

Jimbote jé kuvula kuahi, Ngana! Ji ua lundila oso a ku kala ni uoma; ji u bhanga jinga athu oso a lengela ko kué, bhu pholo muene ia anʼaathu mu ngongo!

Jisálamu 59:10

Nzambi iami u ngi sanga ni kulenduka kué; u ngi bhanga jivondadi kua ió jinguma jami ala ku ngi séia.

Loma 11:35

Nanhi muene ua tuamene kubhana kima kua Nzambi, muène lelu nʼ a bhinge ku mu vutuila?

Loma 2:4

Inga eie ua mu tobhesa o jinzungule ja kulenduka, ni kudixibha, ni kuxididika kua Nzambi? Eie ua kʼ ijiia kiambote kuma o Nzambi ua lenduka, ni kuila muène ua mesena ku ku sunga mu kudiela.

Efezo 1:3

Tu ximane Nzambi, Tata ia Ngana ietu Jezú Kristu! Mukonda ua tu benzela mua Kristu ni ku tu bhana o mabesá moso ma nzumbi, ku ididi ia diulu.

Jihebeleu 2:9

Etu-phe tua mono Jezú! A mu bhangele kathangana ku kala ndenge ia ji-anju, phala mu kiadi kia Nzambi a lole kalunga mu mulonga ua mundu uoso. Kiki-phe tua mu mono kuila mukonda dia phaxi ia bhiti na-iu, a mu zuika kitundu kia fuma ni ujitu.

Dijingunuinu 19:12

Mesu mê medi kala mulengu ua túbhia, o ku mútue uê ua zuata itundu iavulu. Sai-phe ni dijina diê dia mu soneka, kana-phe muthu ua dʼijiia, kikale muène ngó.

I Samuuele 16:13

Samuuele bhenhobho u sunga lumbinga lua maji, u mu unda muʼaxaxi ka jiphange jê. Nzumbi ia Jihova anga u tula ni nguzu ku thandu dia Davidi tunde kizuua kienʼokio. Kienhiki Samuuele u balumuka, hé u vutuka ku Lama.