Jisálamu 2:7 - O Mikanda Ikola

⁷ Ki ngʼedi ngi kola ngonge, Jihova ua ngʼambela, uixi: Eie u monʼami, lelu muene nga ku vuala.

Jisálamu 2:7 ပူးပေါင်းရင်းမြစ်များ

II Samuuele 7:14

Eme ngi mu kala ngi tata iê, o muene u ngi kala monʼami. Se u bhukumuka anga u tondala, ngi mu beta ni mbangala ia kubeta athu, ngi mu bha jixikote ja anʼa athu.

Jobe 23:13

Maji o Nzambi kia lungulukila muthu, nanhi muene u mu fudisa? Kioso kiendi o muenhu uê, kiene muene kia bhanga.

Jisálamu 148:6

Iene ioso ua i te mu ididi iê, katé ku mbambe tulʼé! Anga i kalalà-ku muene katé ku hádia ni hádia, ua a xindila ijila, ka tena ku i somboka.

Jisálamu 89:27

Muene-phe ngi mu ila: Monʼami ua phande-kumbi, muene suke-ku ku jisobha mu ngongo.

Izaía 46:10

ngi mukua kutanga o dizubhilu tundé kiá bhu dimatekenu, tundé mu xiahulu muná ngi tanga ima kiluua iiza-ku; ngixi: Phangu iami inangenena, ngenda ni kubhanga vondadi iami ioso;

Matesu 16:16

Kuala Ximá Phetele: Eie u Kristu, Monʼa Nzambi ia muenhu.

Matesu 17:5

Kioso Phetele kia kexile hanji mú zuela, talesa, dituta di luendela dia a vungina; o mu dituta anga mu tunda dízui, dixi: Muenhú Monʼami uózole, uene mu ngi sangulukisa. Ioso ia zuela, mu ivienunu muene!

Matesu 3:17

Tala, bhenhobho ni dízui di tunda mu diulu, dixi: Muenhú Monʼ ami a kazola, ua ngi uabhela kiambote.

Matesu 8:29

Talesa-phe, ene a di kola, exi: Eie tua kukala nʼ ihi, u Monʼ a Nzambi? Kífua ueza kunu mu ku tu talesa hadi, o thembu kiluua ngó i bhiẋila?

Nzuá 1:14

O Diambu anga u di bhanga xitu, anga u tunga mu ʼaxaxi ketu, uezala kiadi ni kidi. Etu anga tu mona o unène uê, unène kala ua Mona umoxièlele ua Nzambi.

Nzuá 1:18

Kiluua kukala muthu u mona Nzambi. O Mona umoxi-èlele, kuma muène ue Nzambi, uene bhu jihata ja Tata, muene ua tu tukuluila Nzambi.

Nzuá 3:16

Mbata Nzambi ua zola o mundu, katé kia suku mu kubhana Monʼ ê umoxi-èlele, phala uoso u mu xikana muène, káfue, maji a kale ni muenhu ki uábhua.

Jipoxolo 13:33

Kiki Nzambi ua ki kumbidila ko-kuetu etu tu anʼ â, mu kufukununa Jezú. Kiene kia ki sonekena mu Salamu ia kaiadi, exi: eie u Monʼ ami, lelu muene nga ku vuala.

Jipoxolo 8:36

O ki aia ni kuenda mu njila, a sanga kididi bhuala menha. Ngolambole, uixi: Talesa, menha iá! Ohi ki fudisa o ku ngi batizala? [

Loma 1:4

O mu kuidikiza kuzela kuê kua unzambi, o kufukunuka kuê kuene kua londekesa ni kutena kuonène, kuila Muène muene o Monʼ a Nzambi.

Jihebeleu 3:6

Maji-phe Kristu fiiele, kuma Mona mu dibhata dia Nzambi. Etu-phe tua kà kala tu dibhata diê, se tua jijila o kubhua uôma ni kudielela kuetu ku tua di fiiala ku kioso ki tua kinga, katé bhu disukilu.

Jihebeleu 5:5

Kristu ue kiene, ki muène ua di zangeleka kukala Nganga ia Dikota. Maji Nzambi muène ua mu ambela, uixi: Eie u monʼami. Lelu muène nga ku vuala, nga di bhange ngi Tatʼenu.

Jihebeleu 5:8

Sumbala muène Mona, ua di longo kutumaka mu ima ia tale na-iu o hadi.