Jisálamu 19:12 - O Mikanda Ikola

¹² Nanhi u tena ku di tongolola o isenga iê-muêne? Ngi loloke, Ngana, o ikuma ioso ia ngi jimbi eme-muène.

Jisálamu 19:12 ပူးပေါင်းရင်းမြစ်များ

Jobe 6:24

Ngi longienu phala ngi di xibhe; ngʼijidisienu ioso i nga tondala.

Jisálamu 139:2

Ua ngʼijila ni kuxikama kuami ni kubalumuka, o ilunji iami ni mu kanga muná ia ku jimbulukila kiá.

Jisálamu 139:6

Nga diuana kuijiia ku kala kiki! kua ngi tundu, ki ngi tena-bhu!

Jisálamu 40:12

Kuma mavuua ma vudila-ku ma ngi phopheka; o ikuma iami ia ngi kaie, ia ngi kuata, katé ki ngi tena ngó kubhetuluka. O ikuma iami kota mu kuvula, jindemba mu mútue uami ndenge. Kia bhekesa muẋima uami kuia ku kiambu.

Jisálamu 51:2

Ngi sukule, u ngi zelese ku ikuma iami, mukonda nga xidi; ngi bonze, phala kituxi kiami ki bhue-ku.

Jisálamu 65:3

Eme ki ngalʼiki, milonga ia ngi tundu; maji eie-phe ikuma ietu u i loloka.

Jisálamu 90:8

Ituxi ietu ioso ua i tadika ku mesu mé, ni itondalu ietu ia muẋima ku mukengeji ua pholo ié.

Makatukilu 24:12

Jihova anga u ambela Mozé, uixi: banda kunu ko kuami mu mulundu, u kale muenhomo; eme-phe ngi ku bhane ibasakasa ia matadi, ni ngonge ni kitumu, ioso i nga soneka, phala u kale mu ku a longa-iu.

Jisabhu 13:13

Uoso u tènda o phangu ia mu bhana, u jikinina; uoso-phe u xila ngonge, ubhanduluka.

Izaía 64:6

Kuma etu-oso tuedi kala kima kia sotama, mauiukilu metu moso medi kala dikoza diala mu nuha kibuzu; etu-oso tu lalumuka muene kala mafe ma kukuta, o ikuma ietu iala ku tu kungulula kala kitembu kia tu ambatesa.

Jelemiia 17:9

O muẋima ua muthu u bhomba kinéne, ima ioso ndenge, ua bhukumuka kiavulu: mukuahi u tena ku uijiia?

I Kolindo 4:4

Kuma ki ngejiia kikuma ki ngala na-kiu. Maji ki bhene ngó bhu ngi lungila. U ngi tokuesa muène Ngana.

Matendelelu 5:29

Uaué, taté! tamanu akala ni muxima uenhó, ua ku ngi xila, nu kuate kualuka o ijiia iami ioso, ku makumbi moso! phala a tunge a some, a mone mbote ni ene ni anʼâ, ku mivu ni mivu ki iene kúbhua!

Matendelelu 5:32

Endenu-phe ni kubhanga kala kioso kia mi tumu Jihova Nzambi ienu; talenu, kana kuabhukila ku kadilu mba ku kiasu.

Jihebeleu 9:7

Mu balaka ia mukuá-phe kikale o nganga ia dikota ubheka uê u bokona-mu lumoxi ngó ku muvu. Uambata ue manhinga ma ibhaku ma kubhakuila Nzambi mukonda diê muène, ni mukonda ue dia itondalu ia mundu, ia bhange sé ku kʼijiia.

I Nzuá 1:7

Maji, o ki kala-phe tuenda mu mukengeji, kala Nzambi muène kiene mu mukengeji, tu kala ku ukamba mudietu, o manhinga ma Jezú, Monʼê, kala kienda jinga Jezú Kristu.