Jisálamu 18:34 - O Mikanda Ikola

³⁴ Ua longo makuʼami kubhânga ku ita; uta ua mufula ua utadi ua nguzu, nga soko-bho ku u fumba.

Jisálamu 18:34 ပူးပေါင်းရင်းမြစ်များ

II Samuuele 22:36

Ngubu ia ku ngi xitila i ua ngi bhana, o kubhuluka ku tunda ko kué; o ku dʼivua ni eie kuene kua ngi bhana o kijingo.

Jisálamu 144:1

A tane-ku! Jihova ditadi diami! kuma ua longo maku ami o kubhânga, ni milembu iami kúlua ita;

Jisálamu 46:9

Ita ua i suikika katé ku maẋokolo aʼxi; uta ua mufula ua u bukula, dionga ua di batula mu kaẋi; o makalu a ita ua oha mu túbhia.

Izaía 28:6

Jihova u kala ue muene unjimu ua uoso u xikama bhu kibhuna kia kufundisa milonga; muene o kimbaka kia oso a sota kuvutula jinguma katé bhu muelu ua sanzala.

Izaía 45:1

Jihova uambe kiki, kua muthu uê a mʼundu ni maji, muene Silu, muthu nga mu kuata mu lukuaku lua dilu, phala muene a ngi toluele o ifuẋi bhu pholo iê, anga jisobha ngi ji sokomona miongo, phala ku mu jikuila mabhitu; mabhitu a bhingi kuila ka kà ma jika dingi.

Jelemiia 49:35

Jihova dia Ifuẋi uambe kiki: Tala, hádia mufula ua Elame nga-nda ku u bukula, o mufula ua nguzu iê kiá muene.

Hozeia 1:5

Anga ki bhita kuila, mu kizuuʼokio-phe, o uta ua mufula ua Izalaiele, nga-nda ku u bukuila mu dikôlo dia Jezelele.

Habakuke 3:19

Jihova, Nzambi, muene nguzu iami, muene ua kà suinisa inama iami ni i sokela ni ia jihoha ku milundu, ua kà ngendesa mu ididi ia di leka!