Jisálamu 18:28 - O Mikanda Ikola

²⁸ Jihova u ngi bambuila kandeia kami, o mu usuku mu ngi bhita, Nzambi iami u ngi zelesela-mu.

Jisálamu 18:28 ပူးပေါင်းရင်းမြစ်များ

II Samuuele 22:29

Kuma eie u Jihova u kandeia kami; Jihova muene u ngi muikina muʼavundu.

I Jisobha 11:36

O monʼê anga nga kà mu bhana-ku ngó muiji umoxi; sembele o ngunza iami, Davidi, a kale jinge ni muanga bhu pholo iami mu Jeluzaleme, o sanzala i nga tunguila kutula-mu o dijina diami.

I Jisobha 15:4

Maji mukonda dia henda Jihova ia kuatela Davidi, Ngana u mu bhana muanga mu Jeluzaleme, ua ku mu balumuina monʼa diiala u mu bhingana bhu kididi kiê ni ku tenesa kia tangele kua Jeluzaleme.

Jobe 18:6

Mukengeji mu jibalaka jê ua kà kituka kitombe, o kandeia kê ka kà jimʼé muene ku thandu diê.

Jobe 29:3

Kioso Muene kia ngi muikina jinga ni kandeia kê bhu thala ia mútue uami, eme hé mua vundu ngiia ni kuendela mu mukengeji uê.

Jisálamu 112:4

O muthu uaiuka, ni mu kitombe kúkia mukengeji uê; u kala mukua ujitu, mukua henda, mukua kiadi.

Jisálamu 132:17

O kutena kua nguzu ia Davidi, muenhomo ku kuia-ku dingi; ngi sendela kandeia phala o muthu uami nga mu undu ni maji.

Jisabhu 20:27

O kitongoluelu kia muthu, kene o kandeia ka uika Jihova moxi dia muthu, mbé o ku mu tukuluila ioso ia suama kʼoxi dia muẋima.

Izaía 2:11

O mesu ma bhumu, ma athu, a kà a tululula; o kuzangalala kua makuenze kua kà tunuka; bhu kumbiʼodio Jihova muene ngó a kà mu zangeleka.

Izaía 2:12

Mukonda o kizuua kia Jihova dia Ilômbo Ieta, kuila kieza-bhu, ni mukua ukumbu, ni mukua katènda, ni ió uoso mukua izala, ene-oso a kà a tululula muene.

Izaía 42:16

Anga ngi batesa o ifofo mu njila kiluua a ijiia, nga kà a bhitisa mu njila ia musanu; o kitombe nga kà ki bilula mukengeji bhu pholo iâ, o njila jala matadi nga ji iukisa. O ima ienhiʼii iene i nga-nda ku a bhanga, ki mungu dingi nga ehelela.

Izaía 62:1

Mukonda dia henda ia Ziione ki nga-nda ku dixibha, mukonda dia henda ia Jeluzaleme ki ngi ximbakata luua; katé ki tomboka o kuiuka kuê kala kubenha, o ubhulukilu uê uiza kala sama ia túbhia ia uama.

Matesu 4:16

Athu a xikamene mu kitombe a mono mukengeji uonéne! A xikamene kididi kia kizenji kia kalunga, kuaki mukengeji uâ!

Luka 1:79

Ni kumuikina oso a xikama mu kuvunda kua kizenji kia kalunga; mbé o kuendesa inama ietu mu njila ia kutululuka.

I Phetele 2:9

Maji enu-phe mu muiji uosole, mu jinganga ja sobha, kifuẋi kiazele, mu mundu uangene ua Nzambi muène. A mi tungula phala muende ni kujimbula o imbamba ia madiuanu iene mu bhanga Nzambi ió ua mi katula muavundu, iú ua mi bheka mu mukengeji uê u diuanesa.