Jisálamu 18:27 - O Mikanda Ikola

²⁷ Mukonda athu a tate, eie u a bhulula; maji o ió a tundu mesu ni izala, eie u a bhekela kusebuluka.

Jisálamu 18:27 ပူးပေါင်းရင်းမြစ်များ

II Samuuele 22:28

Mundu ua di tululula eie u a bhulula; mesuʼé ala ku thandu dia akua izala phala ku a tololola katé bhoxi.

Jisálamu 10:4

O muthu uaiibha, mu kubhuma kua izale iê, uila uixi: U kʼibhula mukua-hi? Anga uia ni kubanza muene, uixi: Kana-ku Nzambi.

Jisálamu 101:5

Uoso uenda ni kabódio ka kutatela mukuâ, ió eme ngi mu jima o mbutu; o uala ni ukumbu ua mesu ni izala ia muẋima, ki ngi mu ehela.

Jisálamu 17:10

Enhó a bumbu ni kuneta, kʼevu kima; maka ma dikanu diâ ma izala ioso.

Jisálamu 17:13

Balumuka, u Jihova, u mu kakule, u mu tolole; ngi tambule ni mukuale ué, kua ió ua kakela o muenhu uami.

Jisálamu 34:19

Uaiuka u mona jiphaxi javulu; maji o Jihova-phe u mu kudila mu jiphaxi jê jene joso.

Jisálamu 34:6

Ngadiamʼiii ia dikola, Jihova ua mu ivu, ua mu kudila mu jiphaxi jê joso.

Jisálamu 40:17

Eme-phe, bhu ngalʼabha, ngi ngadiama, nga tâte; maji o Ngana-phe ua ngi bhake muẋima ni ku ngi sasa; eie ngó u mukuatekexi uami, u mubhuludi uami; kana kukokoloka Nzambi iami, tata, endelà-ku Ngana!

Jisálamu 9:18

Mbata hinu bhu kala ni kizuua, phulungu a mu suua; o ngadiama ua tate, ka mu kakula kiá mu kudielela kuê, katé ku hádia.

Jisabhu 30:12

Sai-ko muiji ua athu u di mona kuzela ku mesu mê-muène, o uene-phe nuka a u sukuile o dixidilu diê.

Izaía 10:12

Mukonda dia kienhiki, kia kà bhita-phe kuila: Kioso Jihova kia kà zubha o kikalakalu kiê kioso ku mulundu ua Ziione, ni mu Jeluzaleme, kiene ki nga kà futa o kibundu kia muẋima ua di-zangeleka ua sobha ia Asídia, ni ku di mona o kukula kinène ku mesu mê muene-muène.

Izaía 3:9

O ki u tala jipholo jâ, usuéia uâ ua di monekena; ituxi iâ a i kola muene, kala mu Sodoma; ka i sueka, kana; kokôlo dia muenhu uâ! mukonda ene muene a di bhange o phulu!

Izaía 57:15

Kuma Munéne ua dileka, ua jinga kinéne, ua tunga kididi kinangenena, uene ni dijina dia kuila Ukôla, uambe kiki: Nga tunga bhulu, bhu kididi kikôla; nga tunga ue ni uoso mukua muẋima ua toloka, ua batama, phala kuphaphumuna muẋima ua oso a batama, ni kuphaphumuna muẋima ua oso a toloka.

Izaía 66:2

Kuma lukuaku luami luene lua bhange imbamba iosuʼiii, imbamba iosuʼiii í iòbhange, kiene kiambe Jihova; maji, ivua uoso ngi mu tala: Eme ngi suua uoso ngadiama uala ni muẋima ua toloka, anga u kenanena kizuelu kiami, ió muene ngi mu suua.

Hozeia 4:6

Mundu uami a a buikisa mukonda dia kukamba kuijiia. Mukonda eie-phe ua ditunu o kuijiia, eme ue nga-nda ku ku dituna, phala ku kale dingi u nganga bhu pholo iami; kala kiki, kuma o kitumu kia Nzambi ié eie ua ki jimbi, eme uami ue ané nga-nda ku a jimba.

Luka 18:14

Ngi mi ambela kuma, iú ua kulumuka ni muẋima uazele ku bhata diê, o mukuá, kana! Mukonda uoso u di zangula, a mu tulula; o uoso-phe u di tulula, a mu zangula.

II Kolindo 8:9

Kuma o henda ia dikota ia Ngana ietu Jezú Kristu mua ijiia; sumbala muène ua kexile mvuama, ua di bhangele-phe ngadiama, mukonda dienu, phala enu ku uadiama uê mu mone o umvuama.

Tiiaku 2:5

Ivenu, phange jami nga mi zola: Nzambi ua solo jingadiama mu ngongʼumu phala kukala jimvuama mu kuxikana, alundudi a ungana ua tange Muène ku u bhana oso a mu zola.