Jisálamu 18:21 - O Mikanda Ikola

²¹ Kuma nga kuata muene jinjila ja Jihova, Nzambi iami ki nga mu xibhaka hé ngi baluka.

Jisálamu 18:21 ပူးပေါင်းရင်းမြစ်များ

II Malunda 20:32

Muene uende mu njila ia Aza, tatʼâ, ka tundumu; ua bhanga jinga kia iuka ku mesu ma Jihova.

II Malunda 34:33

Joziia anga u katula ima ioso ia isunji mu jixi joso ja tokalele anʼa Izalaiele, hé u jijidika ene oso a kexile mua Izalaiele kuila Jihova Nzambi iá, a mu bhikile ni ubhezelu u kala kiki; o mu izuua ioso ia Joziia, ka tondalele mu ku kaiela Jihova, Nzambi ia jitata jâ.

Jisálamu 119:102

Jindóngo jé nga ditunu ku ji xia ni ngʼila muengi; mukonda eie ua ngi longo kiá.

Jisálamu 17:4

Muʼaxaxi kʼathu ngi banza jinga o maka a tunda ku mizumbu ié; njila i bheka athu mu kubaluka nga fulu ku i enda.

Jisálamu 26:1

Ngi lúngise, Ngana, ua ngi mono o kuenda kuami, ki nga bhalumuna mulonga; nga dielela muene kua Jihova, sé kuvula ilunji.

Jisálamu 7:9

Mukua phulu, Ngana, mu lembuese o phulu iê; maji mukua kidi-phe mu kuatese bhu kididi, a tunge a some; mukonda eie u Nzambi ia kidi, u mukua kutungula o ilunji ni mixima.

Jisabhu 8:32

Kiki-phe enu, mu ana, ngʼivenu, kuma azediua ió oso aiuka o ijila iami, anga a kaiela mu jinjila jami.

Daniiele 6:23

Bhenhobho sobha anga u tana kiavulu ni muẋima uê, iú ua tumu kuila a zaúle Daniiele, mu ngenda; kana-phe kiẋenge kia kima kia mu sange na-kiu, mukonda uaxikanene kua Nzambi iê.

Jipoxolo 24:16

Mukonda dia kiki, nga kuata muanu ua kukala ni muẋima ua kambe o kuêla, ni kua Nzambi ni ku athu, izuua ioso.

I Tesalonika 2:10

Enu mu jimbangi, Nzambi ue mbangi, kuma tu athu a ujitu, tu athu aiuka, tu athu ki tu moneka kikuma, mu kuenda kuetu mu ʼaxaxe kenu oso mua xikana.

I Nzuá 2:19

Ni kidi, athu enhó a di katula mudietu, mukonda ene ka tu tokala. Mbata ene se a tu tokalele, hinu a xala mudietu. Maji ene-phe a tu xisa, a katuka mu kudimonekena kuma ka tu tokala nè umoxi ngó mudiâ.

I Samuuele 15:11

Nga dielesa kiá o kuta Saúlu ku ungana, kuma muene ua ngi bhana dikunda, ua di tunu ku ngi kaiela eme, iú ua fulu ku kumbidila ioso i nga mu tumu. Samuuele anga ki mu iibhila kiavulu; hé u dikola kua Jihova usuku uoso uenhó.