Jisálamu 18:20 - O Mikanda Ikola

²⁰ Jihova ua ngi bhange kia tokala mu kulunga kuami; ua kaiela makuʼami a hatu, ka ngi kuata ni kima.

Jisálamu 18:20 ပူးပေါင်းရင်းမြစ်များ

Jobe 22:30

Anga (Nzambi) u bhulula katé ni ió mukua mulonga, xi! a kà mu kudila muene, mukonda dia maku mé-eie mala ni kuzela.

Jobe 36:16

Kienhiki eie ue, ua mu sota ku ku katula bhu dikelengu dia mukondo phala ku ku bheka bhu kididi kia zanze, bhua kambe kima ki ku phopheka, o mákudia ku meza mé anga a kʼèzala ni maji.

Jisálamu 118:5

Bhu kíbhidi bhu nga kexile, nga dikola kua Jihova; Jihova uetaia, ua ngi bheka bhu kididi kiadisanze.

Jisálamu 18:24

Jihova kiene kia ngi bhangela kia tokala mu kulunga kuami; ua kaiela kuzela kua makuʼami a hatu, ku mesu mê.

Jisálamu 24:4

Uoso makuʼê a mu zele, o muẋima uê uabhu ufusa; ua kambe kukaiela ulalu, ka xikina kuloka mu kunganala mukuá.

Jisálamu 26:6

Maku ami nga a sukula, katé ki azele; phala ngi kondoloke kalatódio ké, u Jihova.

Jisálamu 31:9

Ngi kuatele henda, u Jihova, kuma nga tâte; mesu ami a jila ni dilamba, katé ni nzumbi iami ni mukutu.

Jisálamu 58:11

Bhenhobho athu a kèla, kuma: Kidi muene, sai dilau dia xikamena muthu uaiuka. Mbé kidi muene, sai-ku Nzambi mukua kubatula o milonga mu ngongo.

Jisálamu 7:3

Jihova, Nzambi iami, se kidi muene eme nga ki bhange, se ua ngi mono ni lufuku bhu maku mami,

Jisálamu 7:8

Jihova mukua kufundisa o ifuẋi ioso, a dikola kokué, ngi fundise eme, u Jihova, kala kia tokala mu kulúnga kuami, ni mu kidi kiami ki ngala na-kiu moxi.

Jisabhu 11:18

Mukua-phulu kia kalakala, kima kia bhanga ki ki tundu mbote; uoso-phe u kuna jimbutu ja kutetuluka, ua xikamena futu ia kidi.

Izaía 49:4

Eme-phe, ngixi: Nga tale ngó hadi mu ku kalakala, nguzu iami nga i zange mu kingoho, i ia di-boto. Maji né kieneʼokio, kulûnga kuami kuala kua Jihova, o kisakidilu kiami kiala ni Nzambi.

Izaía 62:11

Talesa, Jihova ua ki kola muene katé ku maẋokololo maʼxi, uixi: Kilumba monʼa Ziione mu ambelienu, muixi: Talesa, ubhulukilu ué iu uiza; tala, ni futu iê uiza na-iu, ni kikalakalu kiê kia mu tuamenena.

Matesu 6:4

Mbé jimbote jê ni ji kale jòsueke. Tatʼ enu u mona iòsueke anga u ku sakidila bhu phelo ia ene oso.

I Kolindo 3:8

Maji ni iú ua kunu, ni iú ua tekela, a soko, kuma ene oso ene amoxi. Kala muthu-phe hinu ua kà tambula o nganhu iê kua Nzambi, kioso kia tokala mu kukalakala kuê.

Jihebeleu 7:26

Mukonda dia kiki, Jezú muène o Nganga ia Dikota tua mu bhindamena. Muène u kôla. Muène ka moneka phulu, ka moneka ufusa. Ua di kalelela ku akua ituxi, iú ua zangalala ku thandu a maulu.

I Samuuele 24:17

Anga u ambela Davidi, uixi: Eie ua lungu, ki ngi lungu eme; kuma ku thandu dia eme ku ku bhanga phulu, eie ua ngi bhange mbote.