Jisálamu 18:13 - O Mikanda Ikola

¹³ Jihova anga u numina ku diulu, Suke-ku u bhana mutendu, hé ku kala matadi a mvula ni makala ma uama túbhia.

Jisálamu 18:13 ပူးပေါင်းရင်းမြစ်များ

Jobe 40:9

Inga uala ni lukuaku kala Nzambi, mba u tena ue o ku numina ni dízui kala o diê-muène?

Jisálamu 104:7

O ki ua a tumu dingi, a lenge; evu ngó o dízui dia kinuminu kié, exi etu tu texe-ú.

Jisálamu 11:6

Enhó a bhumu hinu u a nokesa mvula ia makala ku thandu diâ, ni túbhia ni xofidi, kumoxi ni kitembu kia kibhungu kia dikota; ene o mahitula a a lungila mu nganza iâ;

Jisálamu 140:10

A kuuile makala ma uama ku thandu diâ; a a vubule muene mu túbhia; a fue mu madiela ma zongo, phala ka tene dingi kutunda-mu.

Jisálamu 78:48

O ibhaku iâ ue ua i buidisa ku matadi ma mvula, o ilunga u sanga iabhi ku nzaji.

Makatukilu 20:18

Mundu uoso anga evua inuminu, a mono nzaji kutelaka, ni dízui a dʼivu dia koloneta, ni mulundu a u mono uala kuxongota dixi; mundu-phe kia mono ima iii a teketa, anga a bholoka, emanena ngó mu kanga.

Makatukilu 9:24

Kala kiki, ku kala matadi a mvula, ni túbhia tua di lungu-nâ kumoxi, ma kuama muene kiavulu, kia bhingi mʼoxi ia Ijitu kiluua kibhita-mu tunde muʼandekela kutunga-mu athu.

Izekiiele 10:5

O kinuminu kia mabhabha a jixelubini, a kʼivu katé ni mu lumbu lua kanga, mukuâ ni dízui dia Nzambi Uatena Ioso, kioso kia kala mu zuela.

Habakuke 3:5

Dibhebhu dia kipheku dia mu tuamenena ku pholo, ni imuiku ia túbhia bhoxi dia inama iê.

Nzuá 12:29

O kifuẋi kiemana-bhu, kievu dízui, exi: Kua numina. Amukuá exi: Anju ia mu zuelesa.

Matendelelu 32:24

A kà tala hadi, nzala ia kʼènda ni ku a zubha! A kà diua ku mahaxi a kuata ni muanha ni ku dibhebhu dia phulu. Ngʼenda ue ni ku a zangela iama, ni jinhoka ji tela ngàmbu, jenda ni ku fukunuka mu fufuta ia mavu.

Josuué 10:11

Anga ki bhita-phe kuila, ene kiala kulengʼiki, mbebhu Izalaiele, o mu kulumuka mu Mbetolone, Jihova u a takula imatadi ia laula ku diulu; mu kutula mu Azeka afu; kienhókio abuika ku matadi a mvula kota mu kuvula, a fu ku xibhata ia anʼa Izalaiele, ndenge.

Dijingunuinu 19:6

Kienhókio anga ngʼívua kala dízui dia mundu ua dikota, mba kala dízui dia dibhubha dia menha, mba kala dízui dia kinuminu kia suina kia nzaji, dixi: Ximanenu Nzambi! Mukonda o Ngana, Nzambi ietu, Muteni-a-Ioso, muène Sobha.

Dijingunuinu 4:5

Mu kiandu anga mu telaka jinzaji, mu tunda màzui, ni inuminu. O bhu pholo ia kiandu, bhua uama sambuadi dia sama ja túbhia, diene o sambuadi dia Nzumbi ia Nzambi.

Dijingunuinu 8:5

Anjo anga u katula kiomuènu, u omona túbhia ku ʼalatódio, hé u tu texi mu ngongo. Anga ku bhita inuminu, ni mazui, ni jinzaji ni kiteketela kia ʼxi.

I Samuuele 7:10

Anga ki bhita kuila, kiosuʼiki Samuuele kiala kubhana o sata ia kuoha, akua Fidíxia a tula, eza mu kúlua ni Izalaiele; Jihova-phe u numina kizuua kienokio ni kinuminu kia dízui diê dia dikota ku thandu dia akua Fidíxia, hé ua dimbulula ni uoma uavulu a lenga malusolo; anga a toloka bhu pholo ia akua Izalaiele.