Jisálamu 18:12 - O Mikanda Ikola

¹² O kubenha kua pholo iê, ku muanga matuta, a di bhanga matadi a mvula, ni makala ma túbhia.

Jisálamu 18:12 ပူးပေါင်းရင်းမြစ်များ

Jisálamu 104:2

Ua di te mukengeji kala divunga; ua futununa o maúlu kala dibeka dia balaka.

Makatukilu 19:9

Jihova anga u ambela Mozé, uixi: Eme nga-nda kuiza kokué; ngi ku tulukila mu dituta dia kitombe, phala o mundu a dʼivile kioso ki ngi ku zuelesa, phala eie ue a ku xikane katé ku hádia ni hádia. Kuma Mozé ua tangela Ngana kioso kia vutula o mundu ue.

Izaía 50:3

Eme maúlu ngene ku a zuika kitombe bui, anga ngi ma vunga kidinhaji, kiene o divunga diê.

Matesu 17:2

Kuenhoko muène anga u kituluka bhu pholo iâ. O pholo iê i di muika kala dikumbi, izuatu iê i zela kala muanha,

Matesu 17:5

Kioso Phetele kia kexile hanji mú zuela, talesa, dituta di luendela dia a vungina; o mu dituta anga mu tunda dízui, dixi: Muenhú Monʼami uózole, uene mu ngi sangulukisa. Ioso ia zuela, mu ivienunu muene!

Josuué 10:11

Anga ki bhita-phe kuila, ene kiala kulengʼiki, mbebhu Izalaiele, o mu kulumuka mu Mbetolone, Jihova u a takula imatadi ia laula ku diulu; mu kutula mu Azeka afu; kienhókio abuika ku matadi a mvula kota mu kuvula, a fu ku xibhata ia anʼa Izalaiele, ndenge.

Dijingunuinu 16:21

Mvula ia matadi anga i sonoka ku diulu, i laukila ku thandu dia athu. O matadi mê a makota kiavulu, dimoxi ngó di pezala makuinhi auana a kilo. Athu anga a ẋonguena a Nzambi, mukonda dia dibhebhu dia mvula ia matadi, kuma o dibhebhu diê dia vulu kinéne!