Jisálamu 150:5 - O Mikanda Ikola

⁵ Mu ximanienu ni jingoma ja ngondo, mu ximanienu ni kuxika ku ji theia ni ku manuma.

Jisálamu 150:5 ပူးပေါင်းရင်းမြစ်များ

II Samuuele 6:5

Ni Davidi-phe, ni dibhata dioso dia Izalaiele, a kala mu sanguluka ni ku xikila bhu pholo ia Jihova, o idifua ioso ia jimuzika ióiudike ni muxi ua mufaia, ni jimbànza ni tukoxi, ni jingoma, ni misaxi, ni jingonge.

I Malunda 13:8

Davidi-phe, ni Izalaiele ioso, anga akala mu sanguluka enhoso kumoxi bhu pholo ia Ngana Nzambi, ni nguzu iâ ioso, ala mu kuimba, ni tukoxi, ni isàka, ni isanji, ni tungoma ni tumingeia, ni jikoloneta.

I Malunda 15:16

Davidi anga uambela o ilamba ia akua Levi, kuila: Atungule phala a-te ku pholo o jiphange jâ, o jingimbidi akua kuimba, ni ima iâ ia kuxika jimujika, ni tukoxi, isàka, ni tumbanza, ni jingaieta, phala a xike mu kuzangumuna o dízui ni kusanguluka.

I Malunda 15:19

Mu kienhiki o jingimba, Hemane, ni Azafu, ni Etane a evua jinga kuimba ni jimujika ja ngoma ja ngòndo ja kexi mu kuxika.

I Malunda 15:28

Kienhiki Izalaiele ioso anga a bandesa o álaka ia kikutu kia Jihova, ni kusanguluka kuoso, ni dízui dia jikoloneta, ni kuxika jimbungu ni jingoma ni isàka, mázui a mingeia ni tukoxi.

I Malunda 16:5

Azafu muene uakexile o mutumini a mu te ku pholo ia enhoso, o kua iú kua kaiela Zakadiia muene kaiadi, o kua muene kueza Jeiele, ni Semilamote, ni Jeiele, ni Matitiia, ni Eliiabe, ni Benaia, ni Obede-Edomo; O Jeiele muene a mu bhele kuxikisa o tukoxi ni jimbànza, o Azafu-phe muene ua kexile mu kuivisa o jingoma.

I Malunda 25:1

Davidi, kumoxi ni jikabhitangu ja ilômbo ia ita, uatungula o ana a Azafe, phala o ukunji uenhú ni ana a Hemane ni a Jedutunu, phala kuzambuila mu upolofeta ua kuxika jimbânza, ni tukoxi, ni ísanji, ni tungoma. O mala enhá adilongo kiambote phala o kikalakalu kia ukunji uâ, o dialuilu diâ dienhidi:

I Malunda 25:6

O ana ene oso enhá o jitata jâ muene, ene a a kexile jinge ku pholo ia ku a tumina phala kuimbila o mimbu mu inzo ia Jihova, ni kuxika tungoma, ni ísanji, tukoxi ni jimbânza, phala o ukunji ua inzo ia Ngana Nzambi. O Azafe ue, ni Jedutunu, ni Hemane, anga akala uâ mu ku a tumina kuala sobha.

II Malunda 5:13

Ene há a tongesa muene mu kuxikila jikoloneta kumoxi, ni mu kuimba ue, embila mbimbi imoxi ngó i uivua, mu ku tumbula o mbote ni kuximana Jihova; o kioso ene kia zangula o mbimbi kumoxi ni jikoloneta ni jingoma ja ngòndo ni ima dingi ia mukuá ia kuxika o mimbu, ni kutumbula Jihova kuma mukua Mbote, mukonda o kulenduka kuê ki kuene kúbhua, inzu ioso muene iezala ni dituta, o inzu ia Jihova.