Jisálamu 149:6 - O Mikanda Ikola

⁶ Jithathe ja kuximana jinga Nzambi ji kale bhu xingu iâ, o xibhata ia mazu aiadi a i kuate jinge bhu maku;

Jisálamu 149:6 ပူးပေါင်းရင်းမြစ်များ

Nehemiia 9:5

Kuala akua Levi: Jesuua, ni Kadimiiele, Baní, Hasabeneia, Selebiia, Hodiia, Sebaniia, Petakiia; exi: Fundumukenu, tanesenu Ngana dia Nzambi ienu katé ku hádia ni hádia; ndokuenu mu tanese o dijina dia fuma iê, dia tundu o dibesá dioso ni diximanu.

Jisálamu 115:7

Ikala ni maku, maji ki i kuata kimbamba; inama sai, maji ki i tena kuenda; mba bhu xingu iâ bhu tunda ngó dízui dioso-dioso, lémbua!

Jisálamu 66:17

Ngi dikola kua muene ni dikanu diami, O dimi diami di kala mu ku mu zangeleka.

Jisálamu 96:4

Kuma Jihova munéne, ua tokala ku mu ximana kiavulu; muene a mu kuatela uoma, jinzambi jengi kana.

Daniiele 4:37

Kiki-phe, eme, Nabukodonozolo, ngedi: Muenexiʼa diulu atane-ku! A kule, ajinge! Ngi mu zangeleka ni ku mu ximana jinga, mbata ikalakalu iê ioso kidi mu kidi, uendelu uê kutetuluka kuoso, oso ambe ku di zangeleka, muene u a toza anga a sebuluka muene.

Obadiia 1:21

O ku mulundu ua Ziione kua kà banda abhuludi phala kufundisa o mulundu ua Ezaú; o utuminu-phe ua kà kala ua ngene ua Jihova.

Luka 2:14

Fuma i kale ia Nzambi mu diulu! O mu ngongo uembu mu ʼaxaxe kʼathu oso a mu uabhela!

Jihebeleu 4:12

Kuma o kizuelu kia Nzambi kima kia muenhu, ki ala ni kutena. Kia beta kutua o xibhata ia mazu a iadi ndenge. O kubatula kuê, ki sesa ni muenhu, ni nzumbi, ni masokuelu, ni uongo ua ifuba. Ki tungula ni jivondadi, ni mabanzelu ma miẋima ia athu.

Dijingunuinu 1:16

Bhu lúkuaku luê lua dilu ua kuata sambuadi dia théthembua, o mu dikanu diê mu fomoka xibhata iatu, ia mazu aiadi. O pholo iê i benha mukuâ ni dikumbi ki di kala mu nguzu iê ia kumuika mu mediia.

Dijingunuinu 19:6

Kienhókio anga ngʼívua kala dízui dia mundu ua dikota, mba kala dízui dia dibhubha dia menha, mba kala dízui dia kinuminu kia suina kia nzaji, dixi: Ximanenu Nzambi! Mukonda o Ngana, Nzambi ietu, Muteni-a-Ioso, muène Sobha.

Afundixi 3:16

Ehudi anga u iudika xibhata iê ia mazu aiadi, kulebha kuê kóvadu, anga u i maneka moxi dia kizuatu kiê, ku ditabela dia mbandu ia kúdia.