Jisálamu 148:14 - O Mikanda Ikola

¹⁴ Lumbinga lua povo iê ua lu bhana dingi nguzu, kia bhangesa akua kikutu kiê ku mu ximana; ene anʼê a Izalaiele, ene o mundu uê a mu zukama. Ximanenu Jihova!

Jisálamu 148:14 ပူးပေါင်းရင်းမြစ်များ

Jisálamu 112:9

Kʼemina, maji u bhana, u uanena o jingadiama; ka kuata sonhi, o mútue uê u bhetuka muene ni kijingo.

Jisálamu 145:10

Ikalakalu ié ioso i ku sakidila muene, eie u Jihova; o athu é a kazola a ku tumbula.

Jisálamu 149:9

Mbé ku a bhanga kioso kia tokala mu kuêla kuâ kuòsoneke; kiene o kijingo kia akua kikutu kiê, o athuʼê angene. Ximanenu Jihova.

Jisálamu 75:10

Jimbinga ja isuéia ngi ji batula muene; maji o jimbinga ja iá aiuka-phe ji kala mu kuimana.

Jisálamu 89:17

Kuma eie-muène u nguzu iâ, u thathe iâ; lumbinga luâ lua bhetuka mukonda dia kiadi kié.

Jisálamu 89:18

Kuma ngubu ietu ia tu xitila, u Jihova, eie ua i kuata; ni sobha ietu ua tu kala ku pholo, isèngele ia ngene ia Ngana Ukôla ia Izalaiele.

Jisálamu 92:10

Eme-phe u ngi vudisila o nguzu iami kala ia phakasa; kuma eie ua ngʼundu ni maji mengi ma kindala.

Jelemiia 17:14

Ngʼilule, Jihova, phala ngʼiluke: ngi bhulule, phala ngi bhuluke; mbata eie u diximanu diami.

Luka 1:52

Anʼa jingana ua a tulula ku iandu, iú ua bandesa-ku a tolo o majina.

Luka 2:32

mukengeji u londekesa o njila ia Nzambi ku akua matumbu. Ni kubhana fuma ia mundu ué ua Izalaiele.

Efezo 2:13

Maji o kiki-phe, mua Kristu Jezú, enu mua sandukile dikanga kua Nzambi, a mi bheka dingi bha zukama ni Muène, mu kúfua kua Kristu.

Efezo 2:17

Uila kiki, Kristu ueza mu kubhana o jingolokela ja Njimbu Iambote ia paze. Paze ko-kuenu mua kexile dikanga kua Nzambi, paze kua ene o Jijudé a kexile bhua zukama.

Efezo 2:19

Uila kiki, enu ki mu Jijudé, ki muala dingi mu asonhi, mba mu athu engi. Maji muala kiá mu akua bhata, mua sokela ni akuenu akua Ngana oso mu dianda dia Nzambi.

Matendelelu 10:21

Muene o kijingo kienu, muene Nzambi ienu! iu ua mi bhange ima ionéne ia isunji ioso iii i mua di muena ni mesu menu.

Matendelelu 4:7

Kiene-phe muene, kuma muiji uónene, kala iú, u kala ni jinzambi bhua zukama kale ki tuala ni Jihova Nzambi ietuʼiki, u bhinga o ki tu mu ixana uitaia, mua u muene kiá?

I Phetele 2:9

Maji enu-phe mu muiji uosole, mu jinganga ja sobha, kifuẋi kiazele, mu mundu uangene ua Nzambi muène. A mi tungula phala muende ni kujimbula o imbamba ia madiuanu iene mu bhanga Nzambi ió ua mi katula muavundu, iú ua mi bheka mu mukengeji uê u diuanesa.

I Samuuele 2:1

Hana bhenhobho anga u samba, uixi: Muẋima uami ua tanena kua Jihova; pholo iami ia zangalala mua Jihova; dikanu diami u sanga dia kulu mu kuolela o jinguma jami; mukonda nga sangulukila mu kubhuluka ku tunda kokuê.