Jisálamu 147:2 - O Mikanda Ikola

² Jihova u tungisa dingi Jeluzaleme; hé u bhongolola akua Izalaiele a di muangene.

Jisálamu 147:2 ပူးပေါင်းရင်းမြစ်များ

Nehemiia 6:15

Kimbaka anga kibhua o ku ki tunga mu makuinhi atanu a izuua ni izuua iiadi ku mbeji ia elulu, kuila o mbeji ia kuata makuinhi aiadi a kizuua nʼitanu.

Nehemiia 6:16

Anga ki bhita kuma, o jinguma jetu joso, ki a kʼivu, uoma u a kuata, matumbu oso muene a tu kondolokele mu jimbandu, anga a bhuila ku mixima iâ-ene muene; mbata a tetuluka kuma Nzambi ietu muene ua bhange o kikalakalu kiki.

Nehemiia 7:4

O sanzala ia, tambula ixi mu kukula, kuma ia kexi ia dikota kinéne, athu-phe kʼa kidi a kexile-mu; ni jinzo kiluua a zubha ue ku ji tunga dingi jene joso.

Jisálamu 102:17

Ua suu kiá o kusamba kua jihukunhu; kala mu kudituna dingi o ku di tenda kuâ.

Jisálamu 51:18

Ki ku uabhele, Ngana, kubhanga mbote kua Ziione, tunga dingi eie-muène o imbaka ia Jeluzaleme.

Izaía 14:32

O jiphunga ja tundu ku mundu-phe, tu a vutuila kiebhi? A vutuile kiki: Jihova ua tunga Ziione, nda o jihukunhi ku athuʼê, muene mua sanga o dilengelu.

Izaía 27:13

Mu kizuua kieneʼokio, kia-nda kua kà kala-phe kiki: A kà xika-mu koloneta ionéne, o ió oso-phe a texikile ni kubunganena mʼoxi ia Asídia, ni oso a a balakalele kʼoxi ia Ijitu, a kà vutuka dingi anga a kà bheza Jihova ku mulundu uê uangene, mu Jeluzaleme.

Izaía 56:8

Jihova Nzambi, uene kubhongolola oso a muangana mu Izalaiele, uambe kiki: Hanji nga kà bhongolola dingi athu kumoxi ni iá u nga bhongolola kiá.

Izaía 62:7

ki mu di-xibhe, katé kia xikika, kia bhanga Jeluzaleme kukala mbanza ia diximanu kulu dia mundu.

Jelemiia 31:10

Ivuenu kizuelu kia Jihova, enu mu miji iʼathu, mu ki tangele ku ikolo ia takuka ku makanga, muexi: Ió ua tena kumuanga Izalaiele, ua-nda ku muʼongeka dingi hé u mu langa kala mubidi kia langa kilunga kiê kia jimbudi.

Jelemiia 31:4

Hanji nga-nda ku ku tunga dingi, ua kà kala ua tungiua, eie u muzeletete ua Izalaiele! Hanji ua-nda ku kemba ni isaka ié, ua kà tunda kumoxi ni iá a mu kuimba ni kukina.

Jelemiia 32:37

Tala-ze, eme nga-nda ku a bhongolola ku jixi joso ku nga a takuile mu njinda iami, ni mu kutema kuami, ni mu kuthathamana kuami kua vulu kinéne; nga-nda kutona dingi ku a bheka bhu kididi kienhiki anga ngi bhangesa kuila a tunga muenhomo, ni kudondama kuoso.

Izekiiele 38:8

Mbata kia-nda kubhita izuua ia vulu, a-nda ku ku zungila; o ku zubhilu dia mivu ua kʼèza mu ixi iôtambule ku xibhata, i ia tundu muʼaxaxe ka ifuẋi iavulu mu ku di bhongoluela ku milundu ia Izalaiele ia xalele jinge jingùndu; maji-phe o ixi ioio a i katula muene muʼaxaxe ka ifuẋi, o kiki-phe ene oso a-nda kutunga ni kukondama.

Daniiele 9:25

Eie tuma-phe ku kʼijiia: tunde bhu tubhukila o ngonge phala kubhetula dingi Jeluzaleme ni ku mu tunga, katé bhua kéjiia Mexiia, o Mʼona Ngana, bhuala sambuadi dia semana, ni makuinhi asamanu ni kiiadi kia jisemana; a kà tunga dingi o jinzunga ni imbaka, maji a kà ji tungila mu thembu ia hadi ni mbùnda.

Mikeia 4:6

Ngana uixi: Mu kizuuʼokio, o ió oso a kexile jinge mu ku tenguna, nga ka a bhongolola kididi kimoxi; o iá u nga kaiele ni iá u nga di tunine, nga kà a bheka dingi mu kibhanga.

Zakadiia 8:7

Jihova dia Ilombo Ieta uambe: Tala-ze, nga kà bhulula mundu uami ku ixi i kala ku tundila o dikumbi ni ku ixi i kala ku tudila o dikumbi.

Matesu 16:18

Kala kiki, ngi ku ambela dingi, kuma eie Phetele, o bhu ndànji iíi, bhene bhu ngi tunga o Ngeleja iami, o mielu ia Kalunga ki ia kà tena ku i lundumuna.

Matendelelu 30:3

bhenhobho-phe o Jihova Nzambi ié, ua kà ku takana dingi ku ubhika ku uaiioko, anga u ku lendukila; hé ukuata ku ku phopha bhuamoxi, u ku bhongolola dingi mu jixi joso mua ku muangenene Jihova Nzambi ié muène.