Jisálamu 145:19 - O Mikanda Ikola

¹⁹ Muene u bhanga o vondadi ia ió oso a mu kala ni uoma; uívua nzongo iâ, ia kudikola, hé u a bhulula.

Jisálamu 145:19 ပူးပေါင်းရင်းမြစ်များ

I Malunda 4:10

Mbata Jabeze uadionda Nzambi ia Izalaiele, kuila: Se u ngi zediuisa kiavulu kinéne, o jimbambe jami ni u ji kudisa dingi muene, o lukuaku lué hé lu ngʼendesa, hé ubhangesa kuila o dibhebhu ki di ngi tule anga u ngi konda o malamba! Nzambi anga u mu bhanga kioso kia mu bhingi.

Jisálamu 20:4

Muene a ku bhese kia ku kala ku muẋima; kima ki ua kane kubhanga, muene a ki kumbidile.

Jisálamu 34:17

Aiuka-phe a dikola, Jihova u a evua, u a kudila mu jiphaxi jâ joso.

Jisálamu 34:18

Jihova ua zukama kua iá a toloka miẋima, u bhulula oso a talamana mu nzumbi.

Jisálamu 34:9

Jihova mu kuatedienu uoma, enu mu athuʼê ósole; ki kuene kubhindama kua iá a kala ni uoma uê.

Jisálamu 37:19

Ka kala ni jisonhi mu izuua iaiibha; o mu izuua ia nzala, ekutʼâ.

Jisálamu 37:4

Ngalasa ié i tunde mu ku di tuma ni Jihova; muene u ku bhana ki ua solo mu muẋima.

Jisálamu 91:15

Muene kia ngʼixana, eme ngʼitaia; bhu kíbhidi ngi mu kala bhu mbandu; ngi mu kudila, ngi mu jingisa.

Jisabhu 15:29

Jihova athu a bhuma ua sanduka dikanga; maji uividila o musambu ua athu aiuka.

Matesu 5:6

A zediua ió, o kubhanga ima ia iuka a ku kuatela nzala ni dinhota, mbata hádia ekuta.

Luka 1:53

Uezalesa akua nzala ni jimbote, o jimvuama ua ji kaie ni maku mòkukutu.

Nzuá 15:16

Ki enu mua ngi solo eme. Maji eme nga mi solo enu, eme nga mi tumu ni muende ni kubhana ibundu, o ibundu ienu ni i nange, i kambe kuzangiua. Ni ioso ue i mu bhinga Tata mu dijina diami, muène ni a mi bhane-iu.

Nzuá 15:7

Se mua xala mo muami, o maka mami ni ma xala mo muenu, bhingenu ioso i mua mesena, a mi bhana-iu.

Nzuá 16:24

Katé ni kiki, ki mu kexi mu kubhinga luua kima mu dijina diami. Bhingenu kiá nda mu tambule, o kutana kuenu ni kuvule kutenena.

I Nzuá 5:15

Mu kienhiki, etu tua kʼijiia kuma muène u tu ivua mu ioso i tu mu bhinga. O ki tuejiia kuila kiki kidi, tua kʼijiia ue kuma ioso i tu mu bhinga tu i tambula.