Jisálamu 145:1 - O Mikanda Ikola

¹ Nga ku zangeleka, eie u Nzambi, u Muenexi uami; ngi tumbula jinga o dijina dié, kutunda muiji kuiza muiji.

Jisálamu 145:1 ပူးပေါင်းရင်းမြစ်များ

I Malunda 29:13

O kiki-phe, Ngana, Eie u Nzambi ietu, tua ku sakidila, tua ximana ue o dijina diê di kôla.

Jisálamu 100:1

Tumbujukenu ni ngalasa kua Jihova, enu oso mua tungu mu ngongo.

Jisálamu 118:28

Eie-eie u Nzambi iami, eme ngi ku sakidila jinga muene; eie-eie u Nzambi iami, eme ngi ku jîngisa jinga.

Jisálamu 145:21

Dikanu diami di sakalala mu kuximana Jihova; o xitu ioso, kutunda muiji kuiza muiji, i ximane dijina diê dikola.

Jisálamu 146:2

Katé bhuoso bhu ngà laiela, nuka ngà kamba kuximana Jihova; ngimba jinga o diximanu dia Nzambi iami, katé bhua kà ngi suka o muenhu uami.

Jisálamu 149:2

Izalaiele a sanguluke ni ió uoso ua mu bhanga; anʼa Ziione a kale ni ngalasa, mua muene muenexi uâ.

Jisálamu 30:1

Nga zangeleka Jihova, mukonda eie ua ngi zangula; kuehela jinguma jami ku ta kikóue, kuila a ngi lende.

Jisálamu 30:12

Phala o muenhu uami u ku imbile jinge o diximanu, ki ngi dixibhe; u Jihova, Nzambi iami, eme ngi ku bhana jinga jiphembele izuua ioso sé kuzumbuka.

Jisálamu 30:2

Jihova, Nzambi iami, nga dikola ko kué, phala ku ngi banda, eie-phe ua ngi sake.

Jisálamu 34:1

Ngi benzela Jihova mu thembu joso; diximanu diê di kala jinga mu kanu diami.

Jisálamu 44:4

Eie u Nzambi, eie-muène u Sobha iami; kuma eie ua bhana o uzonda kua Jakobo.

Jisálamu 45:1

Muẋima ua ngi fulujuka ni maka mambote; ngi ta mukumbi uami ua kutanga maka a tokala ni sobha; dimi diami mukuâ ni pena iakuata hete ia kusoneka.

Jisálamu 45:6

Kiandu kié, Nzambi iami, ki xalela sè thembu, katé ku hádia ni hádia; mbasá ia utuminu ué, ia kukumbidila kuoso.

Jisálamu 5:2

Ivua dízui diami dia kudikola, u sobha iami, u Nzambi iami; kuma ko kue eie kuene ku nga lungu ni kusamba.

Jisálamu 5:3

Kukia ngó, eie u Jihova, u ivua o dízui diami; mu kimene munhá ngi bhana musambu uami kó kué, hé ngi kala mu ku ku xibhidila.

Jisálamu 52:9

Izuua ioso ngi ku sakidila jinga eie, ngi dielela jinga mu dijina dié, kuma dijina didi diambote bhu pholo ia athuʼé angene.

Jisálamu 68:4

Imbilenu Nzambi, xikenu mu kuximana o dijina diê; tumbilenu o ikoka iê, mu mikáu ia hatu mu bhitila o dikalu diê; muene dijina diê Jihova; tanenu buoso bhua mi tukulukila.

Jisálamu 75:9

Eme bhabha-phe, ngi mu tumbula jinga muene sé kufula; ngimba jinga o diximanu dia Nzambi ia Jakobo.

Jisálamu 95:3

Kuma o Jihova, kota dia Nzambi, Ngana ia dokota ua tundu o jinzambi joso.

Jisálamu 96:2

Imbilenu Jihova, mu tumbudienu o dijina diê; tangenu o ubhulukilu uê kizuua ni kizuua.

Izaía 33:22

Mbata Jihova muene Mufundixi uetu; Jihova muene Mubhani-a-ngonge ietu; Jihova muene Muenexʼetu, muene ua kà tu bhulula.

Izaía 38:20

Jihova ueza ku ngi bhulula; o kienhiki ngi xika jinga kakoxi kami, ni tuende ni ku mu imbila ku izuua ioso ia muenhu uetu, mʼonzo ia Jihova.

Daniiele 4:37

Kiki-phe, eme, Nabukodonozolo, ngedi: Muenexiʼa diulu atane-ku! A kule, ajinge! Ngi mu zangeleka ni ku mu ximana jinga, mbata ikalakalu iê ioso kidi mu kidi, uendelu uê kutetuluka kuoso, oso ambe ku di zangeleka, muene u a toza anga a sebuluka muene.

Malakiia 1:14

Lamba dia muthu ió mukua mangonha, uoso uila o kibhaku kia ndumbe sé kisemu, iú na-kiu mu kibhanga kiê, maji o kia tanga kubhana kima kua Jihova, mu ku kumbidila polomesa iê ubhana kima ki kiauabha ki kuata ukoxina. Jihova dia Ifuẋi phe, uixi: Ki kiene, kana! Mukonda eme ngi Sobha ionéne; dijina diami a kà di kuatela uoma mu ngongo ioso.

Matesu 25:34

Muenexi anga uà kʼambela iá ala ku dilu diê, uixi: Zenu a mi zediuisa kuala Tata iami! Zenu mu lundule o Ungana, a mi iudikila na-u kuala Tata iami tunde ku dimatekenu dia ʼxi.

Dijingunuinu 19:16

Ku kizuatu kiê, bhu ditabela, kuosoneke dijina, exi: Sobha ia jisobha, Ngana ia jingana.