Jisálamu 138:4 - O Mikanda Ikola

⁴ Jisobha joso mu ngongo ji ku ximana eie u Jihova, kuma o maka ma dikanu dié a mʼevu.

Jisálamu 138:4 ပူးပေါင်းရင်းမြစ်များ

Jisálamu 102:15

Athu mu jixi kiene kia kà kala ni uoma ua dijina dia Jihova, o jisobha ja mu ngongo anga jenda ni ku ku bhana o fuma.

Jisálamu 102:22

kioso kia kà bhongoloka o mundu ua di muange, ni ilômbo ioso phala kubhikila Jihova.

Jisálamu 22:22

Kienhókio, ngi tumbula-phe o dijina dié ku jiphange jami; ngi ku ximana bhu kionge bhua bhongoloka o mundu.

Jisálamu 22:27

Katé ku maẋokololo a jixi athu a xinganeke, a vutuke kua Jihova; mbutu joso ja athu, eze a bheze bhu pholo iê.

Jisálamu 51:13

Phala ngʼijiie kulonga adianguka, a kutuke dingi mu njila ié; o akua ituxi, a ku baluka, a ku ize dingi bhu kinama mu kudiela.

Jisálamu 57:9

Ngi ku ximana, eie Ngana, muʼaxaxi ka akua bhata; ngi ta o mukumbi ué ni bhu pholo ia akua jixi jengi.

Jisálamu 71:18

O ki nga kukʼiki, ngʼedi kiá bobòbo, ni jimvi mu mútue, kana dingi ku ngʼehelela, Ngana Nzambi; katé ki ngi longa o muiji iú ua lelu, kioso ki endesa o lukuaku lué, o oso ue a kèze-ku, nʼa kʼejiie ki kala o kutena kué.

Jisálamu 72:11

Katé ni jisobha joso ji diunda bhu pholo iê; ilômbo ia miji ioso i kala mu mu bhikila muene.

Izaía 49:23

O jisobha a kà ku sasela ana; ana ilumba a jisobha a kala iledi ié; a kà ku diundila jinga ni pholo bhoxi, a kà ku lesa jinga o fufuta ia inama ié, bhene bhu ua-nda kuijidila kuma eme-muène Jihova, oso a ngi dielela eme, ka tena kukakuka.

Izaía 60:16

Eie ua-nda kuámua o lete ia akua jixi, anga u di-dikila ni ima i tunda ku mele ma jisobha; anga u kʼijiia kiambote kuma eme ngi Jihova ngi Mubhuludi ué, Mukudi ué, muene Dizonda dia Jakobo.

Dijingunuinu 11:15

Anju ia kasambuadi anga u xika o koloneta iê. Hé kukala mazui a makota mu diulu, exi: Kiki o Utuminu ua jixi mu ngongo, ua biluka Utuminu ua Ngana ietu, ni ua Kristu iê. Muène kiá ua kà tumina katé ku hàdia ni hàdia!

Dijingunuinu 21:24

Akua jixi joso, a kʼènda muʼaxaxe ka mukengeji uê, o jisobha mu ngongo ja kà bheka-mu o matunda mâ.