Jisálamu 137:1 - O Mikanda Ikola

¹ Bhu mbanduʼa jihonga, ja jingiji mu Babilónha, bhene bhu tua xikama jinga, anga tu kuata kudila, kioso ki tu xinganeka Ziione.

Jisálamu 137:1 ပူးပေါင်းရင်းမြစ်များ

Ejidala 8:21

Bhenhobho anga ngi kola-bhu hanji o mujile ua kujila bhu mbanduʼa honga ia ngiji ia Ahava, mbé o kutoloka bhu pholo ia Nzambi ietu, nda tu mu bhinge njila ia kambe íbhidi phala etu ni anʼetu ni imbamba ioso ia tu tokala.

Ejidala 8:31

Anga tu katuka bhu ngiji ia Ahava, mu kizuua kia kuinhi ni kiiadi ku mbeji ia dianga, phala kuia ku Jeluzaleme; o lukuaku lua mbote lua Nzambi ietu lua kexile ku thandu dietu, lua tu kudila ku lukuaku lua jinguma ni kua iá a kexile mu ku tuʼolekela mibhetu mu njila.

Nehemiia 2:3

Anga ngʼambela sobha ngixi: Sobha lola muenhu ué ni ku hádia ni hádia! Abha eme ki ngi di suuata kiebhi o pholo, se o sanzala iala o kidindu kia jimbila ja jitata jami ia senguluka, ni mabhitu mê a mʼoha mu túbhia?

Jisálamu 42:4

Kienhiki ngʼila ki xinganeka, muẋima moxi ua ngi botomoka; kioso ki nga kexe mu kuila kumoxi ni kifuxi, nga mu ia ni akuetu mʼonzo ia Nzambi, ni dízui dia ngalasa ni kuximana, tua vulu tuala mu bhanga fesa!

Izaía 66:10

Tanenu kumoxi ni Jeluzaleme, sangulukilenu-nê bhuamoxi, oso kiá mua mu zola; izalenu ni kusanguluka mukonda diê, enu-oso mua kexe kudila-nê o jingololo;

Jelemiia 13:4

Katula o phonda i ua sumbu u i zuate mu mbunda, zanguka: Ndé ku Ufalate u i sueke kuenhoko mu musula, ua ndanji.

Jelemiia 15:17

Ki ngene ku xikama bhu nangu dia jisemenhi, né ngó kuila ngi tana-nâ; mukonda dia lukuaku lué, ngene ku di xikamena ubheka uami, kuma eie ua ngiʼzalesa ni njinda.

Jelemiia 51:13

Eie, tata! Ua tunga ku thandu dia menha ma ndumba, uezala ni jimbongo ja vulu! Zubhilu dié dia bhixila, kala o kizongelu kia unjenje ué!

Jelemiia 8:19

Ivua o nzongo ia mona a kilumba kia mundu uami, ku ixi ia makanga! Jihova kifua mu Ziione kala-mu? Sobha iê kene-mu? Mukonda diahi-phe a ngi lokalala, njinda a i balumuna ni iteka iâ ia kuseta, ni ukumbu ua iteka ia akua jixi jengi?

Kuditenda 1:16

Mukonda dia ima ienhiʼii, kiene eme ki nga-lu didila; kala kiki mesu mami, o mesu mami muene, ma kungulula ndumba ia kisoxi; mbata o Mutululuixi, ua tokalele o ku ngi ximbakatesa o muenhu uami, ua ngi sondoloka bhu mbandu iami; anʼami mua eza kukakuka, mukonda dia nguma ua ngi tundu o thulu.

Kuditenda 2:18

O muẋima ua Jeluzaleme ua di kola kua Jihova; eie kimbaka kia kilumba, monʼa Ziione, tata! Masoxi mé ma kunguluke muene kala ngiji, ni mu usuku ni mu muanha! Ku nhohe! O anʼa mesuʼé ka zumbuke mu kudila.

Kuditenda 3:48

Mesu mami ma lundulula mikunguiji ia menha, mukonda dia kibuika kia tula kua monʼa kilumba kia povo iami.

Kuditenda 3:51

Mesuʼami ala ku ngi vunza o muẋima moxi kuma kia ngi kate kiavulu mukonda dia anʼa ilumba a tokala mu mbonge iami.

Izekiiele 1:1

Ku muvu ua makuinhi a tatu, mu kizuua kia katanu ku mbeji ia kauana, anga ki bhita kuila, kioso ki ngala mu kaxi ka jihutile, bhu ndundu ia ngiji ia Kebale, maúlu a jikuka eme hé ngi mona isunji ia Nzambi.

Izekiiele 1:3

O kizuelu kia Jihova anga kiza muene kua Izekiiele, monʼa Buzi, o nganga, mʼoxi ia akua Kaldeia, bhu kibumu kia ngiji ia Kebale, bhenhobho bhene muene bhua mu tudila o lukuaku lua Jihova ku thandu diê.

Izekiiele 3:15

Anga ngiza ku iá a a kutu, bhu Tele-Abibe bhua tungile ene ku mbandu ia ngiji ia Kebale, eme ue ha ngi tunga bhuoso bhua tungile ene; anga ngi kala bhenhobho sambuadi dia kizuua, nga bhuuama mu kaxi kâ-ene.

Daniiele 9:3

Anga ngi lungulukila pholo iami kua Ngana Nzambi, mu ku mu sota ni musambu ni ku mu dionda, bhenhobho nga jidi, ngi di ta kidinhaji, ngi di kuua utókua.

Luka 19:41

Mu kuia mu kubhiẋila, u mona o mbanza, anga u i dila, uixi:

Dijingunuinu 11:3

Anga ngi tumikisa mbangi jami jiiadi, a zuata saku ia kidinhaji, hé a kala mu tanga o Njimbu ia Nzambi mu midi ia kizuua ni hama jiiadi ni makuinhi asamanu.