Jisálamu 136:24 - O Mikanda Ikola

²⁴ Ua tu kudila ku jinguma jetu ala ku tu kanena; kuma kulenduka kuê ki kuene kúbhua.

Jisálamu 136:24 ပူးပေါင်းရင်းမြစ်များ

Nehemiia 9:27

Kia ku bhangesa eie Ngana kua a bhana bhu lukuaku lua jinguma jâ, anga a kala mu ku a tatesa; maji mu kithangana-phe kia kutata kuâ, ene ki a dikola ko kué, eie ua evua tunde mu diulu; anga mukonda dia kuvula o henda ié, u a bhana athu a a bhulula nʼa kala mu ku a kula bhu maku ma ió, o jinguma jâ a kexi mu ku a tatesa.

Jisálamu 107:2

Oso a a kula kuala Jihova, a mu tumbule, ió oso a a kula bhu maku a nguma.

Makatukilu 15:13

Mu kiadi kié uendesa o mundu iú, u ua kula eie-muene (ua di bhange u kilamba kiâ); mu nguzu ié ua ambata Katé bhu kibúta kié kikôla kia kuzela ni kuiuka.

Izaía 63:9

Mu lamba diâ dioso ni muene uevile dilamba, anga mukunji uene bhu pholo iê u a bhulula; mukonda dia henda iêmuène ni kulenduka kuê, muene ua a bhulula; iu ua a tambula, iu u a endesa jinga kienhiki mu izuua ioso ia xahúlu.

Matendelelu 15:15

Uxinganeka jinga, ulembalale kuma eie ue ua kexi u mubhika mʼoxi ia Ijito, maji Jihova Nzambi ié muene ua ku kula. Eie ue nga ku tumu kubhanga jinga kienhiki.

Tito 2:14

Muène muthu ua di bhele bhu kididi kietu, mu ku tu kula ku mangonha, ni ku tu zelesa, ni tu kale tu mundu uê ua ngene, mundu ua suina mu kubhanga ima ia mbote, ua mu tokala muène.