Jisálamu 136:16 - O Mikanda Ikola

¹⁶ Uendesa o mundu uê mu kikangalakata; kuma kulenduka kuê ki kuene kúbhua.

Jisálamu 136:16 ပူးပေါင်းရင်းမြစ်များ

Nehemiia 9:12

Mu muanha anga u a songuela ni dituta dia kilembeketa, o mʼusuku u a endesa ni dituta dia túbhia, nda u a muikine mu njila mu a kexi mu kuendela.

Nehemiia 9:19

eie mu nzungule ia jihenda jé, ku a ehelela mu kikangalakata. Mu muanha dituta dia kilembeketa ki dia a kambele, né o dituta dia túbhia mʼusuku, phala kuia ni ku a muikina, ni ku a edikiza jinga o njila mu endela.

Jisálamu 77:20

Mundu ué-phe ua endesa kala kilunga kia jimbudi, abidi muene Mozé ni Alá.

Makatukilu 13:18

Kala kiki, Nzambi-phe ua nhungisa o mundu mu njila ia kikangalakata, njila ia Kalunga Kakusuka; anʼa Izalaiele-phe mu kutunda mʼoxi ia Ijitu, ene oso a maneka ibhakatu iâ.

Makatukilu 15:22

Mozé anga u tuma Izalaiele kuia dingi ku pholo, a tundu bhu Kalunga Kakusuka, anga a bokona mu kikangalakata kia Sule; edi enda izuua itatu mu kikangalakata, menha ka moneka.

Izaía 49:10

Ka kala dingi ni nzala, kà kala dingi ni dinhota, né muzukuta né muanha ki ua kà a kuama dingi; kuma muenhó mukua ku a lendukila, ua kà endesa, anga ua kà a batesa kilendu katé ku jifiẋi ja menha.

Matendelelu 11:5

anʼenu ka mono ue kioso kia mi bhange mu kikangalakata, katé bhu muezʼabha;

Matendelelu 8:15

Kuma Muene ua mi endesa mu kikangalakata kiosuʼokio, kikangalakata kia dikota ki kuatesa uoma, kiezala jinhoka ja uama túbhia ku maju, ni jinvuanga, ixi ia kikaku, ia bhingi menha ka moneka, anga a ku katuila menha ku ndanji mu ditadi phala eie kúnua.

Matendelelu 8:2

Xinganeka phala u kale mu lembalala njila ioso ia mi bhitisa Jihova Nzambi ienu, mu makuinhi auana a mivu osoʼâ mu kikangalakata, phala a mi bateke, nda a mi lole, mbé o kuijiia kioso kia mi kala ku miẋima moxi, mba mu xikina kutumaka ijiia iê, mba kana.