Jisálamu 136:11 - O Mikanda Ikola

¹¹ Iu ua katula Izalaiele muʼaxaxi kâ; kuma kulenduka kuê ki kuene kúbhua.

Jisálamu 136:11 ပူးပေါင်းရင်းမြစ်များ

Jisálamu 105:37

Mundu uê katé kia a katula mʼoxi muenhomo, ambata muene phalata ni ulu; mu miji iâ ioso ki muala diiala dia kate, mba dia kambe nguzu.

Jisálamu 78:52

Maji ua tubhula o mundu uê kala jimbudi, muene ua endesa mu mukáu ua kukuta mukuâ ni kilunga.

Makatukilu 12:41

O mu kukala-kukala-phe, kiabhu o hama jiuana ja muvu ni makuinhi atatu, mu kizuua kienhókio muene, kiene kia tundu o ilombo ioso ia Jihova mu Ijitu.

Makatukilu 12:42

Kifua usuku ió Jihova ua a tele muxima mu ku a katula mʼoxi ia Ijitu; usuku iú-phe usuku ua Jihova, ua tokala anʼa Izalaiele oso a mu ta muxima katé bhua kà suka o miji iâ.

Makatukilu 12:51

Anga ki bhita kuila, mu kizuua kienhókio, Jihova u katula anʼa Izalaiele mʼoxi ia Ijitu, kala kia di te mu ilombo iâ.

Makatukilu 13:14

O ki kala anʼenu hádia a mʼibhula, exi: Kiki kima kiahi? mua kèla kuma: Nguzu ia lukuaku lua Jihova ia bhiti-bhu, mu ku tu katula mu Ijitu, mu dibhata dia ubhika.

Makatukilu 13:16

Ki kala kidimbu ku lukuaku lué, kala fita ia ku bhiti bhu dibhomo; kuila nguzu ia lukuaku lua Jihova ia bhiti-bhu, mu ku tu katula mu Ijitu.

Makatukilu 13:17

Kia bhiti-phe kiki kuila, Falaó kia zubha kueha o mundu nʼaiâ, Nzambi ka a songuela mu njila ia akua Fidíxia, sumbala iene ia batulula; kuma Nzambi ua-mbe, uixi: Sumba mundu a diela, kia-ndu takana ni ita, a mesena a vutukila mu Ijitu;

Makatukilu 13:3

Mozé anga u ambela o mundu, uixi: Lembalalenu kizuuʼiki kia lelu, kizuua ki mua tundu mu Ijitu, mu dibhata dia ubhika; kuma Jihova ua mi katula-mu ni nguzu ia lukuaku luê; kana kúdia jimbolo ja felemendo, kizuua kienhiki.

Makatukilu 13:9

Kia kà kala kidimbu ku lukuaku luenu, ni kijimbuete bhu dibhomo, phala ngonge ia Jihova i mi kale mu kanu; kuma Jihova ua mi katula ni lukuaku lua nguzu mu Ijitu.