Jisálamu 135:5 - O Mikanda Ikola

⁵ Kuma eme ngejiia kuila, Jihova u kôla; o Ngana ietu Nzambi, ua tundu o jinzambi joso.

Jisálamu 135:5 ပူးပေါင်းရင်းမြစ်များ

Jisálamu 147:5

Ngana ietu u kôla, ua suína mu kukalakala; o kuijiia kuê ki kuene mbambe.

Jisálamu 48:1

Jihova munéne, muene ngó ua O tokala ku mu ximana jinga kiavulu, mu mbanza ia Nzambi ietu, ku mulundu uê uangene.

Jisálamu 89:6

Kuma, nanhi muene, mu dinga ni dinga, u mu fika ni Jihova? o ku anʼa mazonda, nanhi u soka ni Ngana?

Jisálamu 95:3

Kuma o Jihova, kota dia Nzambi, Ngana ia dokota ua tundu o jinzambi joso.

Jisálamu 97:9

Kuma, eie Jihova, eie-muène ngó Suke-ku mu ngongo ioso, eie kujinga kué jinzambi joso ja xala bhoxi.

Izaía 40:22

Muene muène ua xikama kulu dia dikende dioso diaʼxi, o athu a tunga-mu ia edi kala mahoho ku mesu mê; muene muène uoleka maúlu kala thanga ia lona, iu ua ma futununa kala balaka, phala kutunga-mu.

Izaía 40:25

Mua-nda ku ngi sokesa-phe ni mukuahi, ngi tena ku di fuangana-nê? Kiene kiambe Nzambi Ukôla.

Daniiele 3:29

Eme-phe ngi xikisa kiá ngonge, kuila, ku miji ioso-lolo, ni ifuẋi ni madimi, uoso u ẋongùena Nzambi ia Sadalake, ni Mizake, ni Abede-neko, a mu batujule ku iẋimbu-iẋimbu, o diembu diê a di bhange dixita dia uthôkua; mbata kana-ku Nzambi iengi u tena kukudila kala Iú.

Matendelelu 10:17

Kuma o Jihova Nzambi ienu, muene o Nzambi ia jinzambi, muene Ngana ia jingana, muene Nzambi ngó Suke-ku, o uzonda uê uvula, ukuata uoma, ka moneka kathômbo kʼathu, ka xikina ku mu futila.