Jisálamu 133:1 - O Mikanda Ikola

¹ Kidi bá! kima kia fuama, kia di uabhela kiambote, ki u sanga jiphange a takana mu muẋima umoxi!

Jisálamu 133:1 ပူးပေါင်းရင်းမြစ်များ

Dimatekenu 13:8

Mbalamu anga u ambela Lote, uixi: Ki bhu kale jimvunda bhuʼaxaxi ka eme ni eie, bhuʼaxaxe ka abidi a ibhaku iami, ni abidi a ibhaku ié, mukonda tuala tu jiphange.

Dimatekenu 45:24

Kala kiki sulula o phange jê, ene a katuke; muene anga u a ambela, uixi: Alukenu, ki mu di kuatele mvunda mu njila.

Jisálamu 122:1

Nga sanguluka kioso kia ngʼambela, exi: Tu bandienu ku onzo ia Jihova.

Jisálamu 124:1

Hé ki Jihova uala ku mbandu ietu, Izalaiele a ki zuele kiá;

Jisálamu 131:1

U Jihova, muẋima uami ki uala ni izala, kana; ki ngala mu xikulula mesu ni katunda koso! Ki ngi di metena imbamba ia ngi tundu, mba ngi sota imbamba ia makota ki i ngi tokala!

Izaía 11:13

Ifalaími dixinga dia-nda ku mu bhua muene, loló; o jinguma ja Juda a kà ji buikisa; Ifalaími ká ka a kuatela dingi dixinga, mba luimbi. Juda ue ka kà bhondeleka dingi Ifalaimi.

Izaía 11:6

O kimbungu ni kambudi a kà tunga bhuamoxi, ongo uà zekela bhuamoxi ni kakisutu ka hombo, o monʼa ngombe ni monʼa hoji, ni mbudi ia nete, a kà nhungana bhuamoxi, anga kamona ka ndenge muene ua kʼaia ni kua endesa jinga.

Izaía 11:9

Ka kà bhanga-mu kiaiibha mba phulu ioso-ioso, mu mulundu uami uoso, u nga kôlesa; mukonda oxi ioso ia kèzala ni kuijiia Nzambi, kala o menha kiezalesa kalunga.

Jelemiia 32:39

Anga ngʼa bhana ene oso muẋima umoxi, ni njila imoxi, nʼa ngi kuatela uoma izuua ioso, phala mbote iâ ene ni mbote ia anʼâ, a-nda ku a bhingana.

Marku 3:25

Ni akua bhata se a di lungulukila ene mudiá, dibhata diodio ki di tena kutunga.

Nzuá 13:35

Kiene kia mʼ ijidila ku athu oso, kuma muala mu jixibulu jami, se mua di zolo mu dienu.

Nzuá 17:21

O ene oso nʼ a kale umoxi. Tata iami! Mukuâ ni eie ki uala mo muami, eme ngala mo mué, ene ua a kale mo muetu, oso muene a kala umoxi, o mundu phala u xikane kuma eie ua ngi tumu.

I Kolindo 1:10

Nga mi diondo-phe, jiphange, mu dijina dia Ngana ietu Jezú Kristu, kuila mu dʼivua jinga kiambote mu kuzuela, ki mu kale mu kudiuana-uana ku ibuka-ibuka mudienu. Inda mu kala kumoxi kiambote mudienu, mu kala ni kilunji kimoxi, mu fika kiene kimoxi.

Jihebeleu 13:1

O kudizola ni jiphange ki mu ku ehe.

I Phetele 3:8

Mu kuzubha-phe, kalenu ni muẋima umoxi ni kixinganeku kimoxi, mu di xinganeke jinge mudienu. Mu di zole kala mu jiphange, mu nengane miẋima, mu batâma.