Jisálamu 132:2 - O Mikanda Ikola

² kioso kia lokela Jihova, anga u di hambelela kua Ngunza ia Jakobo, uixi:

Jisálamu 132:2 ပူးပေါင်းရင်းမြစ်များ

Dimatekenu 49:24

maji o uta uê ua mufula hanji muene ua suína, mixibha iê ia maku ia tambula nguzu, kua ió Kutende diangene dia Jakobo, kuene kua tundu o mubidi, ni tadi dia Izalaiele.

II Samuuele 7:1

Anga ki bhita kuila, Sobha Davidi kia zubha kukala kiá mʼonzo iê, Jihova ue ua mu bhana kunhoha, ku jinguma ja tokala ku mbandu joso;

II Samuuele 7:2

Muenexi u ambela polofeta Natane, uixi: Talesa, eme nga tungu mʼonzo ia musédulu, o álaka ia Nzambi phe hanji ia tungu mu jilona ja balaka.

I Malunda 28:2

Sobha Davidi anga uimana, uixi: Ngʼivienu, phange jami, ni enu mu mundu uami. Mu muẋima uami nga tele kikutu kia kutunga inzo ia dinhohenu phala o Álaka ia Kikutu kia Jihova, i kale kibaka kia inama phala Nzambi ietu. Eme-eme nga lùngu o ima ioso phala ku i tunga.

Jisálamu 119:106

Nga loka muene, nga-nda ku ki jijila, kuila o ijila ié ia kidi nga-nda ku i aiuka jinga muene.

Jisálamu 132:5

katé ki ngi sota kididi kia Jihova kia kutula, o dibhata mu tunga Ngunza ia Jakobo.

Jisálamu 46:11

Jihova dia ifuẋi tuala-nê kumoxi; o Nzambi ia Jakobo kimbaka kietu. (Selah.)

Jisálamu 50:1

Kutende, Ngana Nzambi, Jihova, ua zuela; uexana ixi ioso, tunde ku tundila o dikumbi, katé ku dʼila.

Jisálamu 56:12

Ioso i nga di hambelela ko kué, Ngana Nzambi, eme nga-nda ku i kumbidila muene; ngi ku bhakuila ni maujitu ma kusakidila.

Jisálamu 65:1

Jiphèmbele ja ku xikamena mu Ziione, Ngana Nzambi; jipolomesa ji tokala a ji kumbidila ko kué.

Izaía 49:26

O ió a ku bhondeleka ngʼa dikila niʼxitu jâ-ene, a kà kodiua ni manhinga mâ kala maluvu; anga xitu ioso ia kejiia kuma eme ngi Jihova, ngi Mubhuludi ué, Ngi Mukudi ué, ngi Dizonda dia Jakobo.

Izaía 60:16

Eie ua-nda kuámua o lete ia akua jixi, anga u di-dikila ni ima i tunda ku mele ma jisobha; anga u kʼijiia kiambote kuma eme ngi Jihova ngi Mubhuludi ué, Mukudi ué, muene Dizonda dia Jakobo.