Jisálamu 132:17 - O Mikanda Ikola

¹⁷ O kutena kua nguzu ia Davidi, muenhomo ku kuia-ku dingi; ngi sendela kandeia phala o muthu uami nga mu undu ni maji.

Jisálamu 132:17 ပူးပေါင်းရင်းမြစ်များ

I Jisobha 11:36

O monʼê anga nga kà mu bhana-ku ngó muiji umoxi; sembele o ngunza iami, Davidi, a kale jinge ni muanga bhu pholo iami mu Jeluzaleme, o sanzala i nga tunguila kutula-mu o dijina diami.

I Jisobha 15:4

Maji mukonda dia henda Jihova ia kuatela Davidi, Ngana u mu bhana muanga mu Jeluzaleme, ua ku mu balumuina monʼa diiala u mu bhingana bhu kididi kiê ni ku tenesa kia tangele kua Jeluzaleme.

II Jisobha 8:19

Maji-phe, Jihova kʼandalele kusengulula Juda, mukonda dia jihenda jà kuatela Davidi, dia mubhikʼê, kala kia muʼambelele, kuila: Nga-nda ku kubhana kandeia ku anʼé, katé ku hádia ni hádia.

II Malunda 21:7

Maji-phe o Jihova kʼandalele ku muanga dibhata dia Davidi, mu kuxinganeka o kikutu kia tele ni Davidi; mukonda ue muene ua kiʼambele kuila ua-nda ku mu bhana jinga mu izuua ioso, dimuikinu, ni muene ni anʼê.

Jisálamu 148:14

Lumbinga lua povo iê ua lu bhana dingi nguzu, kia bhangesa akua kikutu kiê ku mu ximana; ene anʼê a Izalaiele, ene o mundu uê a mu zukama. Ximanenu Jihova!

Jisálamu 89:25

Mu kukuata mavu, kuku mbambe kalunga; o kuamukuáʼuku mbambe o honga ia Ufalate.

Jisálamu 92:10

Eme-phe u ngi vudisila o nguzu iami kala ia phakasa; kuma eie ua ngʼundu ni maji mengi ma kindala.

Izekiiele 29:21

Mu kizuuʼokio nga kà bhangesa kuila o kutena kua muiji ua Izalaiele kua kà sabhuka dingi, hé nga kà ku bhana o kujikula dikanu, anga ua kà zuela muene kioso ki ua tena muʼaxaxe kâ; ene hé a kà kʼijiia kuila emeʼeme ngi Jihova.

Luka 1:69

ua tu zangelekela Mubhuludi ua nguzu phala ku tu bhulula u tundu mu mbutu ia mubhikʼê Davidi—

I Samuuele 2:10

Oso a bhânga ni Jihova a kà tolojoka; muene u a numinina tunde mu diulu. Jihova uà fúndisa maẋokololo a jixi. Sobha iê ua kà mu bhana o nguzu ni kutumina ua kà zangeleka o kutena kua muthu uê ua mu undu ni maji.