Jisálamu 129:4 - O Mikanda Ikola

⁴ Jihova-phe muthu ua tetuluka, mukua kidi, ua batula o mikolo ia isuéia.

Jisálamu 129:4 ပူးပေါင်းရင်းမြစ်များ

Ejidala 9:15

Ahá! Jihova, tata! Nzambi ia Izalaiele! Eie u mukua kidi! Kuma etu tua bhulaka, tu tumbalumbalu ngó, kala ki kia di monekena leluʼidi. Kiki-phe, tuala bhu pholo ié mu kuêla kuetu, kuma ki kuala dingi muthu uengi u tena kukala bhu pholo ié mukonda dia kikuma kiki.

Nehemiia 9:33

Maji, Eie-phe Ngana, mu ima ioso iala kuiza ku thandu dietu, ua lunguʼê; mukonda o kuiuka kué kuene kua ku bhangesa-kiu, etu o kubhuma kuetu kuoso kuene kua tu bhangesa o ima iii.

Jisálamu 119:137

Eie, u Jihova, o muthu ua kuiuka, o kufundisa kué kuoso kua kidi.

Jisálamu 7:12

Se o muthu nguê kutunda ku njila iaiibha, Nzambi phe u zuika o mukuale uê; uta uê ua mufula ua u oleka, ua te kiá o misongo iê;

Kuditenda 1:18

Jihova ualunguʼê muene; mbata éme-ku, eme nga balukila o ngonge iê; enu-phe, ivenu, mu miji ioso, talenu o kikote kia ngʼiza! Ni ilumba iami ia mizeletete, ni minzangala iami ia mala, ene oso aii-nâ ku ubhika.

Kuditenda 3:22

Kuma o jihenda ja Jihova jene-ze ja bhiti-bhu, etu tua kambe kujima o mbutu; mbata jihenda jê ki jene ni dizubhilu.

Daniiele 9:7

Eie, Jihova, ualungu muene, etu-phe sonhi ja tu fuama té mu leluʼidi, ni mala mu Juda, ni akua Jeluzaleme, ni Izalaiele ioso-lolo; kixi ia a zukama, kixi ió oso ala ku makanga, ku jixi kuoso ku ua a tande, mukonda dia kutondala kuâ ku a ku tondalela na-ku eie.