Jisálamu 126:2 - O Mikanda Ikola

² Mu kanu bhenhobho mua tu izala ni jingolela, dimi di kuata mu kuimba; katé ni mu matumbu a ki ambe, exi: Athu iá Jihova ua a bhange ima ia madiuanu!

Jisálamu 126:2 ပူးပေါင်းရင်းမြစ်များ

Ejidala 3:11

Anga a kuata ku di tambuijila mu kuimba, ni kuximana, ni kubhana fuma kua Jihova, ni kuzuela, exi: Muene ukôla, kuma jihenda jê ji nangenena ku thandu dia Izalaiele. Mundu uoso hé a kuata kutana ni ku dikola ni dízui dia suina, mu kuximana Jihova, mukonda dia ku ta madisesa ma inzo ia Jihova.

Nehemiia 6:16

Anga ki bhita kuma, o jinguma jetu joso, ki a kʼivu, uoma u a kuata, matumbu oso muene a tu kondolokele mu jimbandu, anga a bhuila ku mixima iâ-ene muene; mbata a tetuluka kuma Nzambi ietu muene ua bhange o kikalakalu kiki.

Jobe 8:21

Muene ua-nda kuizalesa dikanu dié-eie ni jingolela, o mizumbu ié i kala mu ximana.

Jisálamu 14:7

Euá! Tamanu ku Ziione ku tunda kubhanduluka kua Izalaiele! Jihova hinu kia kà bhongolola jihutile jê ku makanga, Jakobo u tana-ku, o Izalaiele u sanguluka.

Jisálamu 51:14

Ngana Nzambi, ngi katule ku ituxi ia ujibhanganga, u Nzambi iami ia kibhamuenhu; phala o dimi diami di kale mu kuimba nguzu o kukumbidila kué.

Jisálamu 53:6

Tamano kubhanduluka kua Izalaiele ku tunda ku Ziione! Kioso Jihova hinu kia bindumuna dingi o Povo iê, Jakobo u tana-ku Izalaiele u sanguluka.

Jisálamu 71:19

O kukumbidila kué, Ngana Nzambi, ditala diê dia di leka kinéne; o imbamba i ua bhange, iene ioso iónene! Eie u Nzambi, mukuenu uebhi, soka-nê?

Izaía 35:10

O jihule ja Jihova a kà vutuka, hé a kèza mu Ziione ni kuimba mimbu ia kutana; o kusanguluka, ki kuene kúbhua kua kà kala ku mítue iâ, a kʼèzala ni kutana ni kusanguluka, o dilamba ni mikemu ia kà a lenga kiá!

Izaía 51:11

Kienhiki kiene kia kà vutuka oso a a kula kuala Jihova, anga a kʼèza mu Ziione ni nzôngo ia kutana, ngalasa inangenena ià kala ku thandu dia mítue iâ; a kà bonga kutana ni kusanguluka, o dilamba ni mikemu ia kà a lenga.

Jelemiia 31:7

Mbata Jihova uixi: Imbenu ni ngalasa kua Jakobo; tanenu mukonda dia Kitoto kia ifuẋi; tenu nzongo, imbenu diximanu, zuelenu muexi: Bhulula, Jihova, o mundu ué iá, a subhuka kua Izalaiele.

Jelemiia 33:11

Hanji a-nda kuívua-mu o mbimbi ia kukemba, ni mbimbi ia kusanguluka; mbimbi ia ngaiala, ni mbimbi ia dibhanga; ni mbimbi ia iá a mu tanga, exi: Ximanenu Jihova dia Ifuẋi, kuma Jihova mukua mbote, mukonda o kulenduka kuê ki kuene kúbhua; ni mbimbi ia iá a mu kuiza mu ku bheka diximanu monzo ia Jihova; mbata o kikexilu kia ixi nga-nda ku ki lungulula uila ku dimatekenu, kiene kia tange Jihova.

Izekiiele 36:36

Kuabhu-phe. Kienhókio o miji ia subhuka-ku mu jimbandu jenu, a kà kʼijiia kuila eme, ngi Jihova, ngene mu kutunga dingi lua mukuá o mabhata a budijika, ni ku kuna dingi kioso kiʼòsengulule; eme-muène ngi Jihova-nga ki tange, nga-nda ku ki bhanga muene.

Dialuilu 23:23

Kua Jakobo uanga ki u tena-ku! Kua Izalaiele né a zambula, lémbue! Mu tumbula Jakobo ni Izalaiele, ela muene: Nzambi kukalakala kuahi!

Loma 11:15

Mukonda kioso o Jijudé kia a kaie, o mundu ua biluka makambʼ a Nzambi. Kia kà bhita-phe kiebhi hinu Jijudé kia kà a xikina dingi? Kia kà kala muenhu phala oso afu kiá!